ប្រកាសស្តីពីការគ្រប់គ្រងពន្ធនាគារបង្កើតឡើងគឺក្នុងគោលបំណងដើម្បីផ្តល់សិទិ្ធអំណាចក្នុងការរៀបចំសន្តិសុខ របៀបរៀបរយក្នុងពន្ធនាគារ និងគ្រប់គ្រងអ្នកទោសឱ្យមានសណ្តាប់ធ្នាប់និងសុវត្ថិភាពល្អក្នុងសង្គម។ប្រកាសនេះត្រូវអនុវត្តនៅគ្រប់ពន្ធនាគារទាំងអស់ដែលស្ថិតនៅក្នុងឧបសម្ព័ន្ធ(ក)។ប្រកាសនេះត្រូវបានអនុវត្តចំពោះអ្នកទោស មន្រ្តីនាយកដ្ឋានពន្ធនាគារ និងមន្រ្តីពន្ធនាគារគ្រប់រូបដោយមិនប្រកាន់ពូជសាសន៏ ភេទ ពណ៌សម្បុរ ភាសា ទស្សនៈនយោបាយ សញ្ជាត្តិ សាសនា ស្ថានភាពសង្គម ភាពមានគក៌ និងការអន់ថយផ្នែកកំលាំងកាយ និង​ស្មារតី។