នៅទីស្តីការក្រសួងមហាផ្ទៃ នាព្រឹកថ្ងៃព្រហស្បតិ៍ ទី១៩ ខែធ្នូ ឆ្នាំ២០១៩នេះ ឯកឧត្តម ប៊ុន ហុន រដ្ឋលេខាធិការក្រសួងមហាផ្ទៃ ទទួលបន្ទុកក្រុមប្រឹក្សានីតិកម្ម បានបន្តដឹកនាំកិច្ចប្រជុំពិនិត្យពិភាក្សាលើសេចក្តីព្រាងកែសម្រួលអនុក្រឹត្យលេខ១០៩ អនក្រ.បក ស្តីពីការរៀបចំ និងការប្រព្រឹត្តទៅនៃក្រសួងមហាផ្ទៃ ដោយមានការចូលរួមពី ថ្នាក់ដឹកនាំនៃអគ្គនាយកដ្ឋាននានាចំណុះក្រសួងមហាផ្ទៃ និងមន្រ្តីពាក់ព័ន្ធផងដែរ។
សូមបញ្ជាក់ដែរថា អនុក្រឹត្យ១០៩នេះ បានចែងអំពីការរៀបចំ និងការប្រព្រឹត្តទៅនៃក្រសួងមហាផ្ទៃ ហើយក្នុងនោះក៏បានចែងអំពីបេសកម្ម និងសកម្មភាពរបស់អគ្គនាយកដ្ឋាននានាក្រោមចំណុះក្រសួងមហាផ្ទៃ។ ដែលតម្រូវឱ្យអគ្គនាយកដ្ឋាននីមួយៗចូលរួមផ្តល់យោបល់ និងដាក់សំណើដើម្បីកែសម្រួលខ្លឹមសារពាក់ព័ន្ធនានាក្នុងដំណើរការនៃការព្រាងអនុក្រឹត្យនេះ ឱ្យស្របទៅតាមគោលដៅនៃអង្គភាពរបស់ខ្លួន និងដើម្បីស្របតាមបេសកកម្មដឹកនាំរបស់ក្រសួងមហាផ្ទៃ លើការគ្រប់គ្រងរដ្ឋបាលដែនដីគ្រប់ថ្នាក់ ដែលរួមមាន៖ វិស័យនយោបាយរដ្ឋបាល គ្រប់គ្រងកងកម្លាំងនគរបាលជាតិលើវិស័យសន្តិសុខជាតិ សណ្តាប់ធ្នាប់សាធារណៈ និងសុវត្ថិភាពសង្គមក្នុងព្រះរាជាណាចក្រកម្ពុជាផងដែរ៕ រតនា
ដោយ៖ នាយកដ្ឋានព័ត៌មានវិទ្យា
