ឯកឧត្តម អ៉ីវ លាង អញ្ជើញចូលរួមក្នុងកិច្ចប្រជុំណែនាំវិធានការបង្ការ ការពារ និងទប់ស្កាត់ការរីករាលដាលជំងឺកូវីដ-១៩ (COVID-19)
ថ្ងៃសុក្រ ទី២៧ ខែមីនា ឆ្នាំ២០២០ ឯកឧត្តម អ៉ីវ លាង អនុប្រធានក្រុមការងារថ្នាក់ជាតិចុះជួយស្រុកបាភ្នំ និងជាប្រធានក្រុមការងារថ្នាក់ជាតិចុះជួយឃុំបឹងព្រះ អញ្ជើញចូលរួមក្នុងកិច្ចប្រជុំណែនាំវិធានការបង្ការ ការពារ និងទប់ស្កាត់ការរីករាលដាលជំងឺកូវីដ-១៩ (COVID-19) ព្រមទាំងវិធានការថែរក្សាសន្តិសុខសណ្តាប់ធ្នាប់ក្នុងមូលដ្ឋាននីមួយៗ ដឹកនាំដោយ ឯកឧត្តម ព្រុំ សុខា ប្រធានក្រុមការងារថ្នាក់ជាតិចុះជួយស្រុកបាភ្នំ។
កិច្ចប្រជុំនេះប្រព្រឹត្តទៅនៅស្រុកបាភ្នំ និងមានការអញ្ជើញចូលរួមពី ឯកឧត្តម លោកជំទាវ អនុប្រធានក្រុមការងារចុះជួយស្រុកបាភ្នំ ប្រធានក្រុមប្រឹក្សាស្រុក អភិបាលស្រុក លោកមេឃុំ ប្រធានមណ្ឌលសុខភាព មេប៉ុស្តិ៍នគរបាលរដ្ឋបាល និងអាជ្ញាធរអ្នកពាក់ព័ន្ធមួយចំនួន៕
ប្រភព៖ អគ្គាធិការដ្ឋាន
