នៅព្រឹកថ្ងៃពុធ ១រោច ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី៣០ ខែឧសភា ឆ្នាំ២០១៨ នៅសាលាខេត្តកំពង់ឆ្នាំង បានរៀបចំកិច្ចប្រជុំសាមញ្ញ លើកទី២ របស់ក្រុមប្រឹក្សាខេត្ត ក្រោមអធិបតីភាពលោកជំទាវ ដោក សុទ្ធាប្រធានក្រុមប្រឹក្សាខេត្ត និងឯកឧត្តមហ៊ី ណាត អភិបាលរងខេត្ត និងមានការអញ្ជើញចូលរួមពីឯកឧត្តមសមាជិកក្រុមប្រឹក្សាខេត្ត នាយករដ្ឋបាលសាលាខេត្ត មន្ទីរអង្គភាពជុំវិញខេត្ត ទីចាត់ការ និងអង្គភាពចំណុះសាលាខេត្តសរុប៤១នាក់ ស្រី៦នាក់។ ជាលទ្ធផលនៃកិច្ចប្រជុំ ក្រុមប្រឹក្សាខេត្តបានពិភាក្សា និងអនុម័ត៖ -សេចក្ដីព្រាងរបៀបវារៈកិច្ចប្រជុំសាមញ្ញលើកទី៤៨ អាណត្តិទី២ របស់ក្រុមប្រឹក្សាខេត្ត -កំណត់ហេតុកិច្ចប្រជុំសាមញ្ញលើកទី៤៧ អាណត្តិទី២ របស់ក្រុមប្រឹក្សាខេត្ត -របាយការណ៍លទ្ធផលសកម្មភាពការងារគ្រប់វិស័យ ខែឧសភា ឆ្នាំ២០១៨ របស់រដ្ឋបាលខេត្តកំពង់ឆ្នាំង។ ក្នុងនោះដែរ លោកជំទាវប្រធានក្រុមប្រឹក្សាខេត្ត រួមនឹងលោក លោកស្រីតំណាងមន្ទីរអង្គភាពជុំវិញខេត្ត ក៏បានចូលរួមឆ្លើយបំភ្លឺសំណួរ និងសំណូមពរដែលក្រុមប្រឹក្សាបានលើកឡើងក្នុងកិច្ចប្រជុំសាមញ្ញលើកទី៤៧ និង៤៨ផងដែរ។ ជាមួយគ្នានោះ លោកជំទាវដោក សុទ្ធាបានថ្លែងកោតសរសើរដល់អង្គភាពដល់អាជ្ញាធរខេត្តនិងអង្គភាពទាំងអស់ដែលបានបំពេញតួនាទីនិងភាកិច្ចរបស់ខ្លួនក្រោមការដឹកនាំរបស់រាជរដ្ឋាភិបាលដើម្បីធានាបាននូវសុខសន្តិភាព ស្ថេរភាពជូនប្រជាពលរដ្ឋបានល្អប្រសើរហើយមានការអភិវឌ្ឍលើគ្រប់វិស័យនៅទូទាំងខេត្តកំពង់ឆ្នាំង។