ថ្ងៃពុធ ១ រោច ខែជេស្ឋ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី៣០ ខែឧសភា ឆ្នាំ២០១៨ លោកជំទាវ អោម អេម សមាជិកក្រុមប្រឹក្សាខេត្តកោះកុង និងជាប្រធានគណៈកម្មាធិការពិគ្រោះយោបល់ស្តី្រ និងកុមារខេត្តកោះកុង និងលោកស្រី ឈុន រ៉ាវុធ អភិបាលរង នៃគណៈអភិបាលខេត្តកោះកុង បានអញ្ជើញ ជាអធិបតី អបអរសាទរ ខួបលើកទី ៦៩ ទិវាកុមារអន្តរជាតិ ០១ មិថុនា ខួបលើកទី ១៧ ទិវាពិភពលោកប្រឆាំងពលកម្មកុមារ។ លោកស្រីអភិបាលរងខេត្តកោះកុង បានលើកឡើងថា ទិវាកុមារកម្ពុជា និងទិវាកុមារអន្តរជាតិ ០១ មិថុនា ត្រូវបានប្រារព្ធឡើងក្រោមប្រធានបទ "រួមគ្នាការពារកុមារ ដើម្បីអភិវឌ្ឍគ្រួសារ និងសង្គមជាតិ" ដើម្បីលើកសិទ្ធិជាមូលដ្ឋានរបស់កុមារ និងបង្ហាញពីការយកចិត្តទុកដាក់ របស់រាជរដ្ឋាភិបាល ក្នុងការដោះស្រាយបញ្ហាប្រឈមទាំងឡាយរបស់កុមារ ជាពិសេស ការពារកុមារ ពីការរំលោភបំពាន ពលកម្មកុមារគ្រប់ទម្រង់ ជួយគាំទ្រដល់កុមាររងគ្រោះ និងងាយរងគ្រោះបានទាន់ពេលវេលា ប្រកបដោយសុវត្ថិភាព និងមានប្រសិទ្ធភាព ព្រមទាំងរស់នៅយ៉ាងសុខដុមរមនា ជាមួយគ្រួសារ នៅក្នុងសង្គមដែលពោរពេញដោយសន្តិសុខ៕ #កោះកុង #រដ្ឋបាលខេត្តកោះកុង #
