ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានអញ្ជើញចុះពិនិត្យមើលដំណើរការចាក់វ៉ាក់សាំងដូសទី២ ដូសទី១ជូនប្រជាពលរដ្ឋ ព្រះសង្ឃអាយុ១៨ឆ្នាំឡើង និង ដូសទី២ ជូនកុមារ យុវវ័យ នៅឃុំចំណោម និងឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ នាថ្ងៃទី១៥ ខែកញ្ញា ឆ្នាំ២០២១។
ក្នុងឱកាសចុះពិនិត្យមើលនោះ ក្នុងគោលបំណងជម្រុញដល់ក្រុមការងារចម្រុះមានអាជ្ញាធរឃុំ គ្រូពេទ្យ ដើម្បីផ្សព្វផ្សាយ ជម្រុញឲ្យប្រជាពលរដ្ឋទាំងអស់ គ្រប់ភូមិ គ្រប់គ្នាបានទទួលការចាក់វ៉ាក់ការពារជំងឺកូវីដ១៩។
ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានណែនាំបន្ថែមដល់ព្រះតេជៈគណ ប្រជាពលរដ្ឋទូទៅទាំងអស់ ទោះបីជាបានទទួលការចាក់វ៉ាក់សាំងទាំងអស់ទី១ ទី២ហើយក៍ដោយ តែត្រូវចូលរួមគោរព អនុវត្តន៍វិធានសុខាភិបាល ៣ការពារ និង៣កុំ ឲ្យបានត្រឹមត្រូវ ខ្ជាប់ខ្ជួន ដើម្បីចូលរួមទប់ស្កាត់ការចម្លងជំងឺកូវីដ១៩ក្នុងសហគមន៍៕
ប្រភព៖ រដ្ឋបាលខេត្តបន្ទាយមានជ័យ