ថ្ងៃអង្គារ ៧កើត ខែបឋមាសាធ ឆ្នាំច សំរឹទ្ធិ ស័ក ព.ស ២៥៦២ ត្រូវនឹងថ្ងៃទី១៩ ខែមិថុនា ឆ្នាំ២០១៨ ឯកឧត្ដម ជា សុមេធី អភិបាលខេត្តព្រៃវែង និងឯកឧត្តម នាយឧត្តមសេនីយ៍ ដាំ វុទ្ឋី អគ្គស្នងការរងនគរបាលជាតិ ព្រមទាំងឯកឧត្តម អភិបាលរងខេត្ត លោកប្រធានមន្ទីរពាក់ព័ន្ធ បានមកពិនិត្យមើលទីតាំងត្រៀមទទួលសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ តំណាងដ៏ខ្ពង់ខ្ពស់ សម្តេចតេជោហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងពិធីបញ្ចុះខ័ណ្ឌសីម៉ា ព្រះវិហារ និងឆ្លងសមិទ្ធផលនានា វត្តធម្មនិមិត្ត ហៅវត្តថ្មទឹកដាច់ ស្ថិតនៅឃុំ គោកគង់កើត ស្រុកកញ្រ្ជៀច និងមក ពិនិត្យមើលទីតាំង ពិនិត្យ និងព្យាបាលជម្ងិឺដោយឥតគិតថ្លៃដោយក្រុមគ្រួពេទ្យស្ម័គ្រចិត្ត ស សុខា ចំនួន៣០០០នាក់ ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្រ្តី ក្រសួងមហាផ្ទៃ នៅបរិវេណវិទ្យាល័យព្រះបាទនរោត្ដម ឃុំកញ្រ្ចៀច ស្រុកកញ្រ្ជៀច ។ បន្ទាប់មកទៀត ឯកឧត្ដម អភិបាលខេត្ត និងក្រុមការងារ បានពិនិត្យមើលផ្លូវពីរខ្សែ៖ -ផ្លូវថែទាំផ្លូវជាលក្ខណៈខួបក្រាលក្រួសក្រហម ពីវត្តពោធិទង ឃុំកញ្រ្ចៀច កាត់ឃុំគោកគង់លិច និងឃុំគោកគង់កើត ស្រុកកញ្ជ្រៀច ខេត្តព្រៃវែង ទៅដល់ភូមិឈូកស ឃុំដូនតី ស្រុកពញ្ញាក្រែក ខេត្តត្បូងឃ្មុំ មានប្រវែង១៩.៤០គ.ម ទទឹង៦ម។ -ជួសជុលពង្រីកផ្លូវក្រាលក្រួសក្រហម ផ្លូវពីភូមិត្រពាំងក្រាញ់ ឃុំព្រាល ស្រុកកញ្ជ្រៀច ទៅភូមិជោរ៌ពីរ ឃុំក្រញូង ស្រុកកំចាយមារ ប្រវែង១៥.៥០គ.ម ទទឹង៦ម ស្ពានបេតុង០១កន្លែង ប្រវែង៣០ម និងដាក់លូគ្រប់ប្រភេទចំនួន២៩កន្លែង។ ប្រភពព័ត៌មាន: រដ្ឋបាលខេត្តព្រៃវែង (ថ្ងៃទី ១៩ ខែមិថុនា ឆ្នាំ២០១៨)