ភ្នំពេញ៖អភិបាលរាជធានីភ្នំពេញនៅចុងខែមករា២០២៥ខាងមុខត្រូវតែដាក់ឱ្យដំណើរការផ្លូវថ្មើជើង(Walk street)តាមបណ្តោយមាត់ទន្លេចាប់មុខប្រៃសណីយ៌កម្ពុជារហូតដល់មុខព្រះបរមរាជវាំង។សំខាន់គឺចេញដំណើរដសិនហើយយ៉ាងយូរដាច់ខែមករាការងារផ្សេងៗទៀតចាំដោះស្រាយបន្ត។ទី២ត្រូវបង្កើតក្រុមការងារអន្តរក្រសួងមួយដើម្បីចេញដំណើរ។

​  រដ្ឋបាលរាជធានីភ្នំពេញបានបើកកិច្ចប្រជុំជាថ្មីទៀតដើម្បីពិនិត្យវឌ្ឍន  ភាពនៃការរៀបចំផ្លូវថ្មើរជើង(Walkstreet)តាមបណ្តោយមាត់ទន្លេចតុមុខ ចាប់ពីមុខប្រៃសណីយ៏កម្ពុជារហូតដល់មុខព្រៈបរមរាជវាំងក្រោមអធិបតីភាពឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញដោយមានការចូលរួមពីតំណាងក្រសួងទេសចរណ៏ និងប្រៃសណីយ៏,អគ្គិសនីយ៏កម្ពុជានារសៀលថ្ងៃទី២៥ធ្នូ២០២៤នៅសាលារាជធានីភ្នំពេញ។

​  ឯកឧត្តម​ ឃួង ស្រេង​ មាន​ប្រសាសន៍​ថា៖ផ្លូវថ្មើជើងនេះយើងមានគម្រោងយូរមកហើយតែអាស្រ័យដោយស្ថានភាពជួបការលំបាកដូចជាជំងឺកូវិដ.១៩ និងបញ្ហាលំបាកពីបញ្ហាថវិកាជាដើម។តែ ទោះបីយ៉ាងណារាជរដ្ឋាភិបាលបានណែនាំឲ្យិខិតខំអនុវត្តឲ្យិសម្រេចបានគំរោង ផ្លូវថ្មើរជើងនេះក្នុងគោលដៅទាក់ទាញភ្ញៀវទេសចរណ៏ សំរួលការកកស្ទះចរាចរ ក៏ដូចលើកកំពស់សោភណ្ឌភាពរាជធានីភ្នំពេញផងដែរ។

​  ឯកឧត្តម ឃួង ស្រេង​ បានបញ្ជាក់ថា គម្រោងរៀបចំផ្លូវថ្មើរជើងសម្រាប់បំរើដល់វិស័យទេសចរណ៍នេះ គឺរដ្ឋបាលរាជធានីភ្នំពេញបានគិតគូជាយូរមកហើយតំាងពីឆ្នាំ២០១៩មកម្លេះ ប៉ុន្តែដោយសារស្ថានភាពនៃវិបត្តិ ជំងឺកូវីដ១៩ បានធ្វើឱ្យគម្រោងនេះផ្អាកដំណើរការមួយឡែកសិន  ប៉ុន្តែមកដល់ពេលនេះបន្ទាប់ពីមានការ ណែនាំរបស់រាជរដ្ឋាភិបាលពីការជំរុញទាក់ទាញភ្ញៀវទេសចរនៅតាមមូលដ្ឋានរៀងៗខ្លួន រដ្ឋបាលរាជធានី ភ្នំពេញបានគិតគូជំរុញ ការងារផ្លូវថ្មើរជើងនេះឱ្យដំណើរការឡើងវិញ ដើម្បីធ្វើយ៉ាងទាក់ភ្ញៀវទេសចរជាតិ និងអន្តរជាតិ មកលេងកម្សាន្តឱ្យបានច្រើន។

  ឯកឧត្តមអភិបាល​រាជធានីភ្នំពេញ​ បានបញ្ជាក់ ដើម្បីឱ្យគម្រោងនេះបានដំណើរការដោយរលូន ជាជំហានដំបូងគឺបើកផ្លូវ ថ្មើរជើងនេះចាប់ពីរៀងរាល់ល្ងាចថ្ងៃសុក្រ,ថ្ងៃសៅរ៍ និងថ្ងៃអាទិត្យ ដោយប្រកាសបិទចរាចរណ៍យានជំនិះគ្រប់ប្រភេទ រៀបចំណត បង្គន់អនាម័យ និងការងាររៀបចំសណ្តាប់ធ្នាប់ការលក់ដូរនៅលើតម្រាយផ្លូវនេះឱ្យ បានល្អ ដែលធានាថា គម្រោងនេះ នឹងប្រព្រឹត្តិទៅដោយរលូន ហើយទទួលបានការគាំទ្រពីប្រជាពលរដ្ឋ។

​  ឯកឧត្តមអភិបាលបានឲ្យិដឹងថា៖មានអង្គភាពពាក់ពន្ធ័មួយចំនួនលើការរៀបចំផ្លូវថ្មើរជើងនេះដូចជា ខាងប្រៃសណីយ៏,អគ្គិសនីយ៏កម្ពុជា,ក្រសួងទេសចរណ៏និងរដ្ឋបាលរាជធានីភ្នំពេញ។

​  លោកសាំ ពិសិដ្ឋ នាយកមន្ទីរសាធារណៈការនិងដឹកជញ្ជូនរាជធានីភ្នំពេញបានលើកឡើងថា៖ក្រុមលេខាធិការដ្ឋានរបស់មន្ទីរ បានកំពុងដំណើរការពិភាក្សាជាមួយបងប្អូនប្រជាពលរដ្ឋនៅតំបន់ខាងលើរួមទាំងការផ្សព្វផ្សាយ  អោយបានជ្រួតជ្រាបដល់បងប្អូនប្រជាពលរដ្ឋពីអត្ថប្រយោជន៏នៃផ្លូវថ្មើរជើងនេះដែលចែកចេញជា៣តំបន់ដោយសុំឱ្យប្រជាពលរដ្ឋចូលរួម។ក្នុងនោះមន្ត្រីជំនាញរបស់មន្ទីរសាធារណៈការបានសិក្សាលំអិតក្រោមការណែនាំពីឯកឧត្តមអភិបាលរាជធានីភ្នំពេញយើងបានគិតដល់ការរៀបចំហេដ្ឋារចនាសម្ពន្ធ័ផ្លូវ,តទឹក ភ្លើង ពិសេសក៏មានរៀបចំជាស្តង់លក់ដូរបែបផ្សាររាត្រី ការហាមមិនឱ្យរថយន្តចេញចូលចាប់ពីម៉ោង៦ល្ងាចដល់ម៉ោង១១យប់រូមទាំងការរៀបចំចំណតជាដើម៕

ប្រភព៖ រដ្ឋបាលរាជធានីភ្នំពេញ