ទីស្ដីក្រសួងមហាផ្ទៃ៖ នៅព្រឹកថ្ងៃចន្ទ ទី៨ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក ហោ សំអាត អគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានអញ្ជើញដឹកនាំកិច្ចប្រជុំស្តីពីការពិនិត្យ និងពិភាក្សាលើគម្រោងរៀបចំ "ផែនទីបង្ហាញផ្លូវអភិវឌ្ឍន៍ជំនាញឌីជីថល ក្រសួងមហាផ្ទៃ ២០២៦-២០៣៥" ដោយមានការអញ្ជើញចូលរួមពីលោក អគ្គនាយករង ប្រធាន-អនុប្រធាននាយកដ្ឋាន នាយ-នាយរងការិយាល័យ ព្រមទាំងលោក លោកស្រី និងមន្រ្តីជំនាញពាក់ព័ន្ធជាច្រើនរូបទៀតផងដែរ។

កិច្ចប្រជុំនេះដែរ ធ្វើឡើងក្នុងគោលបំណងពិនិត្យ និងពិភាក្សាគ្នាបន្ថែមទៀត សម្រាប់ស្វែងរកមតិយោបល់ និងប្រមូលធាតុចូលល្អៗឱ្យកាន់តែច្រើន ដើម្បីមានមូលដ្ឋានច្បាស់លាស់ក្នុងការបណ្ដុះបណ្ដាលទាំងមន្រ្តីថ្នាក់ជាតិ និងថ្នាក់ក្រោមជាតិ ឱ្យស្របទៅតាមផែនការយុទ្ធសាស្រ្តបដិវត្តន៍កម្មឌីជីថល ប្រកបដោយប្រសិទ្ធភាព និងកាន់តែល្អប្រសើរបន្ថែមទៀត៕

ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ