ខេត្តកំពង់ឆ្នាំង៖ ព្រឹកថ្ងៃពុធ ទី២២ ខែមករា ឆ្នាំ២០២៥ ឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្ត និងឯកឧត្តម ស៊ីវ រុន ប្រធានក្រុមប្រឹក្សាខេត្ត បានអញ្ជើញចូលរួមពិធីប្រកាសជាផ្លូវការ “កំពង់ឆ្នាំងស្អាត គ្មានសំរាម និងសំណល់ប្លាស្ទិក” ក្រោមអធិបតីភាព ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន។

យុទ្ធនាការ «កំពង់ឆ្នាំងស្អាត ខ្មែរធ្វើបាន» និងយុទ្ធនាការ សម្អាតផ្លូវជាតិ «ផ្លូវជាតិគ្មានសំរាម និងសំណល់ប្លាស្ទិក » បានអនុវត្តយ៉ាងសកម្មនៅទូទាំងខេត្ត ដោយមានការចូលរួមពីថ្នាក់ដឹកនាំ និងក្រុមការងារក្រសួងបរិស្ថាន ព្រះសង្ឃ មន្ត្រីរាជការកងកម្លាំងគ្រប់ប្រភេទ អាជ្ញាធរគ្រប់លំដាប់ថ្នាក់ ប្រជាពលរដ្ឋ លោកគ្រូ អ្នកគ្រូ សិស្សានុសិស្ស កម្មករ និយោជិត អាជីវករ បុគ្គលិកវិស័យឯកជន យុវជនស្ម័គ្រចិត្ត និងគ្រប់តួអង្គពាក់ព័ន្ធ៕

ប្រភព៖ រដ្ឋបាលខេត្តកំពង់ឆ្នាំង