ទីស្តីការក្រសួងមហាផ្ទៃ៖ នៅរសៀលថ្ងៃចន្ទ ទី១៥ ខែមិថុនា ឆ្នាំ២០២៦ នេះ ឯកឧត្តម សន្តិបណ្ឌិត ម៉ៅ ច័ន្ទតារា រដ្ឋលេខាធិការប្រចាំការក្រសួងមហាផ្ទៃ បានអញ្ជេីញជាអធិបតីដឹកនាំកិច្ចប្រជុំ ពិនិត្យការងារត្រៀមរៀបចំកិច្ចប្រជុំថ្នាក់រដ្ឋមន្ត្រីលើកទី២ រវាងក្រសួងមហាផ្ទៃ កម្ពុជា ក្រសួងនគរបាលវៀតណាម និងក្រសួងសន្តិសុខសាធារណឡាវ។

កិច្ចប្រជុំនេះដែរ ក៏មានការអញ្ជេីញចូលរួមពី ឯកឧត្តម រដ្ឋលេខាធិការ អនុរដ្ឋលេខាធិការ ប្រធានក្រុមប្រឹក្សានីតិកម្ម អគ្គនាយក អគ្គលេខាធិការ អគ្គនាយករង ប្រធាននាយកដ្ឋាន លោក លោកស្រី តាមបណ្តាអង្គភាពពាក់ព័ន្ធ ចំណុះក្រសួងមហាផ្ទៃជាច្រេីនរូបទៀត។

ឯកឧត្តម រដ្ឋលេខាធិការប្រចាំការ ប្រធានអង្គប្រជុំ បានស្នេីឱ្យក្រុមការងារ នៃអនុគណៈកម្មការទាំងអស់បន្តទំនាក់ទំនងជាមួយភាគីនៃប្រទេសទាំងពីរ ដេីម្បីឱ្យបានដឹងព័ត៌មានកាន់តែច្បាស់លាស់ដេីម្បីត្រៀមរៀបចំទទួលស្វាគមន៍ គណៈប្រតិភូ នៃប្រទេសទាំងពីរ។ បន្ថែមពីនេះ ឯកឧត្តម បានជំរុញដល់ អនុគណៈកម្មការនីមួយៗត្រូវមានម្ចាស់ការឱ្យបានជាក់លាក់ ដេីម្បីធ្វេីយ៉ាងណាឱ្យកិច្ចដំណើរការ នៃកិច្ចប្រជុំនេះទទួលបានជោគជ័យទៅតាមការគ្រោងទុក។ 

ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ