នៅថ្ងៃពុធ ទី៣ ខែមិថុនា ឆ្នាំ២០២៦ ឯកឧត្តម សន្តិបណ្ឌិត គៀត ច័ន្ទថារិទ្ធ រដ្ឋលេខាធិការក្រសួងមហាផ្ទៃ បានអញ្ជើញជាអធិបតីក្នុងកិច្ចប្រជុំស្ដីពីដំណើរការរៀបចំ ត្រៀមសម្រាប់កិច្ចប្រជុំប្រចាំឆ្នាំអគ្គនាយកអន្តោប្រវេសន៍ និងប្រធានកុងស៊ុលអាស៊ាន លើកទី២៩ (29th DGICM)។ 

កិច្ចប្រជុំនេះ មានការអញ្ជើញចូលរួមពី ឯកឧត្តមឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋានអន្តោប្រវេសន៍ លោកអគ្គនាយករង លោកប្រធាននាយកដ្ឋាន លោកនាយការិយាល័យ និងមន្ត្រីដែលពាក់ព័ន្ធ។  

សូមបញ្ជាក់ថា កិច្ចប្រជុំប្រចាំឆ្នាំអគ្គនាយកអន្តោប្រវេសន៍ និងប្រធានកុងស៊ុលអាស៊ាន លើកទី២៩ (29th DGICM) គ្រោងនឹងរៀបចំនៅលើទឹកដីអង្គរ ខេត្តសៀមរាប នៅថ្ងៃទី២៣ ដល់ថ្ងៃទី២៦ ខែមិថុនា ឆ្នាំ២០២៦ ខាងមុខនេះ៕