លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ គណៈកម្មាធិការជាតិ ប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) និងលោកស្រី Aleks Zittle អនុប្រធានបេសកកម្មស្តីទី ស្ថានទូតសហរដ្ឋអាមេរិក បានធ្វើជាសហប្រធានកិច្ចប្រជុំស្តីពីការផ្លាស់ប្តូរព័ត៌មានការងារអនុវត្តច្បាប់រួមគ្នា រវាងកម្ពុជា និងសហរដ្ឋអាមេរិកនៅថ្ងៃទី៩ ខែសីហា ឆ្នាំ២០០៤។

ដោយមានការសម្របសម្រួលពីគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស កិច្ចប្រជុំនេះមានការចូល រួមពីមន្ត្រីសំខាន់ៗនៃស្ថាប័នប្រយុទ្ធប្រឆាំងអំពើជួញដូរមនុស្ស និងឆបោកពីក្រសួងមហាផ្ទៃ ក្រសួងយុត្តិធម៌ អគ្គ នាយកដ្ឋានអន្តោប្រវេសន៍ អគ្គស្នងការដ្ឋាននគរបាលជាតិ មន្ត្រីអនុវត្តច្បាប់ និងរៀបចំគោលនយោបាយដទៃ ទៀតពីស្ថានទូតសហរដ្ឋអាមេរិកនៅរាជធានីភ្នំពេញ។

ក្នុងកិច្ចប្រជុំ ភាគីទាំងពីរបានពិភាក្សាគ្រឹះរកមធ្យោបាយបង្កើនវឌ្ឍនភាពរបស់ចំនុចនានាដែលលើកឡើងនៅក្នុង ផែនការសកម្មភាពប្រយុទ្ធប្រឆាំងអំពើជួញដូរមនុស្សឆ្នាំ២០២៤ របស់ក្រសួងការបរទេសសហរដ្ឋអាមេរិក។

ភាគីទាំងពីរបានយល់ព្រមបន្តកិច្ចសហប្រតិបត្តិការប្រយុទ្ធប្រឆាំងអំពើជួញដូរមនុស្ស សកម្មភាពឆបោកតាម ប្រព័ន្ធអ៊ីនធឺណិត និងទីតាំងប្រព្រឹត្តសកម្មភាពទាំងនោះ ដែលបានរីកសាយភាយទាំងនៅក្នុងតំបន់ និងជុំវិញ សាកលលោក បង្កឲ្យមានជនរងគ្រោះជាលក្ខណៈសាកលរួមទាំងសហរដ្ឋអាមេរិកផងដែរ ៕

ដោយ ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ