ទីស្តីការក្រសួងមហាផ្ទៃ៖ នាព្រឹកថ្ងៃពុធ ទី០៦ ខែវិច្ឆិកា ឆ្នាំ២០២៤ ឯកឧត្ដម នាយឧត្ដមសេនីយ៍ ប៉ោ ភក្កិ រដ្ឋលេខាធិការ ក្រសួងមហាផ្ទៃ និងជាប្រធានក្រុមការងារចំពោះកិច្ច ដើម្បីសិក្សាអំពីការបង្កើតប្រព័ន្ធគ្រប់គ្រងទិន្នន័យឧក្រិដ្ឋជន បានអញ្ជើញដឹកនាំកិច្ចប្រជុំស្តីពីការរៀបចំដាក់ឱ្យដំណើរការជាផ្លូវការប្រព័ន្ធគ្រប់គ្រងបទល្មើស (Crime Management System -CMS) កិច្ចប្រជុំនេះមានការអញ្ជើញចូលរួមដោយ ឯកឧត្តម ឧត្តមសេនីយ៍ឯក ហោ សំអាត អគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ព្រមជាមួយថ្នាក់ដឹកនាំ និងមន្ត្រីពាក់ព័ន្ធតាមបណ្តាអង្គភាព ចំណុះក្រសួងមហាផ្ទៃ ជាច្រើនរូបទៀតផងដែរ។

ឯកឧត្តម នាយឧត្តមសេនីយ៍ ប៉ោ ភក្តិ បានមានប្រសាសន៍ថា កិច្ចប្រជុំនេះគឺធ្វើឡើង ដើម្បីពិនិត្យលើផែនការការងារក្នុងការអនុវត្តប្រព័ន្ធគ្រប់គ្រងបទល្មើស (Crime Management System -CMS) ប្រកបដោយប្រសិទ្ធភាព និងទទួលបានជោគជ័យតាមដំណាក់កាលជាក់ស្តែងស្របតាមផែនការសកម្មភាពដែលបានដាក់ចេញ សម្រាប់គ្រប់អង្គភាពពាក់ព័ន្ធទាំងអស់៕

ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ