ខេត្តបាត់ដំបង៖ ដោយបានការអនុញ្ញាតពីលោកឧត្តមសេនីយ៍ទោ ដាញ់ អេងប៊ុនចាន់ ស្នងការ នៃស្នងការដ្ឋាននគរបាលខេត្តបាត់ដំបង នៅរសៀលថ្ងៃព្រហស្បតិ៍ ទី១៩ ខែធ្នូ ឆ្នាំ២០២៤ លោកវរសេនីយ៍ឯក ឈឿង គឹមសុង ស្នងការរង ទទួលផែនការងារនគរបាលព្រហ្មទណ្ឌ បានដឹកនាំកិច្ចប្រជុំសំណេះសំណាល ដើម្បីពង្រឹងប្រសិទ្ធិភាពការងារ និងបង្កើនភាពស្និទ្ធស្នាលជាមួយមន្រ្តីនគរបាលក្នុងផែនការងារនគរបាលព្រហ្មទណ្ឌ ក្នុងនោះលោកស្នងការរង ក៏បានលើកឡើងនូវចំណុចមួយចំនួនដូចជា៖ 

-ត្រូវបំពេញការងាររបស់ខ្លួនឱ្យបានល្អ និងប្រកបដោយវិជ្ជាជីវៈ ក្រមសីលធម៌ល្អ តម្លាភាព សុក្រិត្យភាព រាល់ពាក្យសំដីអាកប្បកិរិយាទន់ភ្លន់តែម៉ឺងម៉ាត់ក្នុងការងារ និងមានសាមគ្គីភាពផ្ទៃក្នុង។

-រកដំណោះស្រាយលើបញ្ហាប្រឈម និងលើកផែនការ ការងារបន្តសម្រាប់ខែថ្មី ក្នុងឆ្នាំថ្មីខាងមុខ។

ក្នុងកិច្ចប្រជុំនោះដែរ ក៏មានការចូលរួមពី លោកនាយការិយាល័យទាំង៣ចំណុះផែនការងារនគរបាលព្រហ្មទណ្ឌ លោក-លោកស្រីនាយរងការិយាល័យ៕

ប្រភព៖ ស្នងការដ្ឋាននគរបាលខេត្តបាត់ដំបង