បន្ទាយមានជ័យ៖ នៅថ្ងៃទី១២ ខែមិថុនា ឆ្នាំ២០២៦ លោកឧត្ដមសេនីយ៍ត្រី សឿម សារិទ្ធ ស្នងការ នៃស្នងការដ្ឋាននគរបាលខេត្តបន្ទាយមានជ័យ បានអញ្ជើញដឹកនាំកិច្ចប្រជុំគណៈស្នងការ ស្តីអំពីការអនុវត្តតួនាទី ភារកិច្ច និងកិច្ចការងារជំនាញ និងលើកទិសដៅអនុវត្តបន្តដល់ថ្នាក់ដឹកនាំ នៃស្នងការដ្ឋាននគរបាលខេត្តបន្ទាយមានជ័យ។ 

ពិធីប្រជុំនេះធ្វើឡើងនៅសាលប្រជុំ(ក)នៃស្នងការដ្ឋាននគរបាលខេត្តដោយមានការអញ្ជើញចូលរួមពី លោក លោកស្រី ឧត្ដមសេនីយ៍ វរសេនីយ៍ស្នងការរងទាំងអស់ផងដែរ។ 

កិច្ចប្រជុំនេះធ្វើឡើងដើម្បីផ្លាស់ប្ដូរមតិយោបល់គ្នា ពាក់ព័ន្ធនិងកិច្ចការងារដែលប្រឈមរួមគ្នាគិតនិងដោះស្រាយបញ្ហាដេីម្បីឱ្យការងារទទួលបានជោគជ័យប្រកបដោយប្រសិទ្ធភាពខ្ពស់។  

លោកឧត្ដមសេនីយ៍ ស្នងការ បានណែនាំដល់ លោក លោកស្រី ឧត្ដមសេនីយ៍ វរសេនីយ៍ ស្នងការរង ទាំងអស់ត្រូវអនុវត្តតួនាទី ភារកិច្ចរបស់ខ្លួនឱ្យបានល្អ ដេីម្បីឱ្យការងារអនុវត្តទទួលបានជោគជ័យ និងប្រកបដោយប្រសិទ្ធភាពស្របតាមគោលការណ៍របស់ប្រមុខថ្នាក់ដឹកនាំដែលបានដាក់ចេញ៕

ប្រភព៖ ស្នងការដ្ឋាននគរបាលខេត្តបន្ទាយមានជ័យ