ក្រសួងមហាផ្ទៃ បានបើកកិច្ចប្រជុំអន្តរក្រសួង ស្តីពីការសិក្សា និងដោះស្រាយបញ្ហាបាក់ច្រាំងទន្លេតាមព្រំដែនកម្ពុជា-វៀតណាម
នៅព្រឹកថ្ងៃអង្គារទី១៣ ខែសីហា ឆ្នាំ២០១៩ នៅសាលប្រជុំ ទីស្តីការក្រសួងមហាផ្ទៃ ឯកឧត្តម ឡាំ ជា រដ្ឋលេខាធិការ ក្រសួងមហាផ្ទៃ បានអញ្ជើញជាអធិបតីក្នុងកិច្ចប្រជុំគណៈកម្មការអន្តរក្រសួង ដើម្បីសិក្សា និងដោះស្រាយបញ្ហាបាក់ច្រាំងទន្លេតាមបណ្តោយព្រំដែនកម្ពុជា-វៀតណាម និងមានការចូលរួមពីសំណាក់ ថ្នាក់ដឹកនាំបណ្តាក្រសួង មន្ទីរ និងតំណាងស្ថាប័នពាក់ព័ន្ធជាច្រើនផងដែរ។
កិច្ចប្រជុំនេះធ្វើឡើងដើម្បីសិក្សាអំពីវឌ្ឍភាព បន្ទាប់ពីក្រុមការងារអន្តរក្រសួងបានចុះធ្វើការសិក្សាស្រាវជ្រាវអំពីលក្ខណៈបច្ចេកទេស និងការងារសាងសង់ច្រាំងការពារបង្គោលព្រំដែន ហើយតំណាងស្ថាប័នក្រសួងត្រូវធ្វើបទបង្ហាញអំពីស្ថានភាពនៃការចុះសិក្សា ដើម្បីធ្វើជាមូលដ្ឋានសម្រាប់អង្គប្រជុំលើកយកមកពិភាក្សាដោះស្រាយរួមគ្នា៕ រតនា
ដោយ៖ នាយកដ្ឋានព័ត៌មានវិទ្យា
