អគ្គាធិកាដ្ឋាន ក្រសួងមហាផ្ទៃ បើកកិច្ចប្រជុំពិភាក្សារបាយការណ៍ ស្តីពីលទ្ធផល នៃការចុះអង្កេតស្រាវជ្រាវ ករណីការចុះផ្សាយពីការជីករណ្តៅដីល្មើសច្បាប់ធំៗចំនួន ៣កន្លែង នៅភូមិសាស្ត្ររាជធានីភ្នំពេញ
កាលពីថ្ងៃពុធ ទី២០ ខែវិច្ឆិកា ឆ្នាំ២០១៩ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន អញ្ជើញបើកកិច្ចប្រជុំពិភាក្សារបាយការណ៍ ស្តីពីលទ្ធផល នៃការចុះអង្កេតស្រាវជ្រាវ ករណីការចុះផ្សាយរបស់គេហរទំព័រមួយថា ឈ្មួញលក់អាច់ដី កំពុងដំណើរការជីករណ្តៅដីល្មើសច្បាប់ធំៗ និងជ្រៅៗឃើញក្បាលប្រេតដោយរលូន និងគគ្រឹកគគ្រេងចំនួន ៣កន្លែង នៅភូមិសាស្ត្ររាជធានីភ្នំពេញ ខណៈសមត្ថកិច្ចជំនាញ និងអាជ្ញាធរពាក់ព័ន្ធ មិនមានចាត់វិធានការ ដែលបង្កជាសម្លេងរំខាន និងធ្វើឱ្យហុយដីទ្រលោមប៉ះពាល់ដល់សុខភាពប្រជាពលរដ្ឋយ៉ាងខ្លាំង។
កិច្ចប្រជុំនេះប្រព្រឹត្តទៅ នៅសាលប្រជុំរបស់អគ្គាធិការដ្ឋាន និងមានការអញ្ជើញចូលរួមពី ឯកឧត្តម អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ៕
ប្រភព៖ អគ្គាធិការដ្ឋាន
