សម្តេចក្រឡាហោម ស ខេង បន្តអញ្ជើញចុះសួរសុខទុក្ខមន្រ្តីរាជការ និងកងកម្លាំងប្រដាប់អាវុធនៅតាមច្រកទ្វារព្រំដែនកម្ពុជា-ថៃ ក្នុងខេត្តឧត្តរមានជ័យ 
March 26, 2020

      នារសៀលថ្ងៃព្រហស្បតិ៍ ទី២៦ ខែមីនា ឆ្នាំ២០២០ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បន្តអញ្ជើញចុះសួរសុខទុក្ខមន្រ្តីរាជការ និងកងកម្លាំងប្រដាប់អាវុធនៅតាមច្រកទ្វារព្រំដែនកម្ពុជា-ថៃ ដើម្បីចូលរួមផ្ដល់ការលើកទឹកចិត្តដល់មន្ត្រីទាំងអស់ ដែលកំពុងបំពេញភារកិច្ចតាមបណ្ដាអង្គភាព នៅច្រកទ្វារព្រំដែនក្នុងខេត្តឧត្តរមានជ័យ ដែលកំពុងបំពេញបេសកកម្មអនុវត្តវិធានការនានារបស់រាជរដ្ឋាភិបាល ក៏ដូចជារបស់ក្រសួងមហាផ្ទៃដើម្បីប្រយុទ្ធប្រឆាំងនូវការរីករាលដាលនៃជំងឺផ្លូវដង្ហើមប្រភេទថ្មីកូវីដ-១៩ ព្រមទាំងដើម្បីថែរក្សាការពារសន្តិសុខ សណ្តាប់ធ្នាប់នៅតាមព្រំដែន។ ក្នុងដំណើរអញ្ជើញជួបសំណេះសំណាលសាកសួរសុខទុក្ខនេះ ក៏មានការអញ្ជើញចូលរួមអមដំណើរដោយ ថ្នាក់ដឹកនាំ មន្ត្រីជាន់ខ្ពស់ក្រសួងមហាផ្ទៃ ក្រុមប្រឹក្សាខេត្ត អភិបាល នៃគណៈអភិបាលខេត្ត មន្ទីរ អង្គភាពជុំវិញខេត្ត ព្រមទាំងអាជ្ញាធរ មន្រ្តីរាជការគ្រប់លំដាប់ថ្នាក់នៅក្នុងខេត្តឧត្តរមានជ័យជាច្រើនរូបផងដែរ។

      ក្នុងឱកាសអញ្ជើញចុះសួរសុខទុក្ខនោះផងដែរ សម្តេចក្រឡាហោម ស ខេង ក៏បានឧបត្ថម្ភថវិកា សម្ភារ និងគ្រឿងឧបភោគ បរិភោគមួយចំនួនដល់រដ្ឋបាលស្រុក និងអង្គភាពនានា នៅក្នុងខេត្តឧត្តរមានជ័យ មានដូចខាងក្រោម៖
ទី១៖ ឧបត្ថម្ភ ជូនកងពលតូចថ្មើរជើងលេខ៤២ វរៈការពារព្រំដែនគោកលេខ៤០២, លេខ៤០៣ វរៈការពារព្រំដែនលេខ៧០២, លេខ៩០៥ វរៈការពារព្រំដែនលេខ១,លេខ២ ផ្នែកសឹករងសំរោង ផ្នែកសឹករងបន្ទាយអំពិល ផ្នែកសឹករងអន្លង់វែង និងផ្នែកសឹករងត្រពាំងប្រសាទសរុប ចំនួន ១១អង្គភាព ក្នុងមួយអង្គភាពទទួលបាន៖
-ថវិកាចំនួន ២.០០០.០០០៛ (ពីរលានរៀល)
-អង្ករ ១ តោន 
-មី ៤កេសធំ
-សាប៊ូ ១០០ដុំ 
ទី២៖ឧបត្ថម្ភ ម៉ាស់ ជូនរដ្ឋបាលខេត្តឧត្តរមានជ័យចំនួន ៥.០០០ ម៉ាស់ 
ទី៣៖ឧបត្ថម្ភ ជូន ប៉ុស្តិ៍នគរបាលអន្តោប្រវេសន៍ថវិកា ២លានរៀល និងអង្ករ ១តោន៕

ដោយ៖ នាយកដ្ឋានព័ត៌មានវិទ្យា

ព័ត៌មានទាក់ទង
ក្រសួងមហាផ្ទៃ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ ទៅក្នុងទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ