អគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ សម្រេចបង្កើតក្រុមការងារបង្ការ និងទប់ស្កាត់ការឆ្លងជំងឺកូវីដ-១៩ (COVID-19)
March 26, 2020

      អគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ បានសម្រេចបង្កើតក្រុមការងារបង្ការ និងទប់ស្កាត់ការឆ្លងជំងឺកូវីដ-១៩ (COVID-19) ដែលដឹកនាំដោយ ឯកឧត្តម នាយឧត្តមសេនីយ៍ សេង យូអ៊ាន់ អគ្គនាយក នៃអគ្គនាយកដ្ឋានភស្តុភារ និងហិរញ្ញវត្ថុ ជាប្រធាន ដែលមាន អនុប្រធាន៥រូប ព្រមជាមួយអនុប្រធានប្រចាំការ១រូប និងសមាជិក១៥រូបផងដែរ។

      ក្នុងសេចក្តីសម្រេចរបស់អគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ ស្តីពីការបង្កើតក្រុមការងារបង្ការ និងទប់ស្កាត់ជំងឺកូវីដ-១៩ ដែលចេញផ្សាយ នៅថ្ងៃទី២៥ ខែមីនា ឆ្នាំ២០២០ បានបញ្ជាក់ថាក្រុមការងារនេះមានតួនាទី ភារកិច្ចដូចខាងក្រោម៖

-រៀបចំផែនការក្នុងការត្រួតពិនិត្យ តាមដាន និងឆ្លើយតបលើការរាតត្បាតវីរុសកូវីដ-១៩ (COVID-19)
-តាមដានព័ត៌មានជាតិ សេចក្តីប្រកាសនានារបស់ក្រសួងសុខាភិបាល និងសមត្ថកិច្ចពាក់ព័ន្ធចំពោះមុខ នៃការរីករាលដាលវីរុសកូវីដ-១៩ (COVID-19) ដើម្បីផ្សព្វផ្សាយបន្ត
-អនុវត្តវិធានការចំពោះអ្នកសង្ស័យ អ្នកប៉ះពាល់ជិតស្និតជាមួយអ្នកជំងឺ និងការស្រាវជ្រាវរកអ្នកដែលមានទំនាក់ទំនងជិតស្និតជាមួយអ្នកជំងឺ
-ណែនាំឲ្យបណ្តានាយកដ្ឋាន-ស្ថានីយវិទ្យុ និងទូរទស្សន៍មហាផ្ទៃត្រូវសហការជាមួយនាយកដ្ឋានសុខាភិបាល ធ្វើការអប់រំផ្សព្វផ្សាយពាក់ព័ន្ធការរីករាលដាលនៃវីរុសកូវីដ-១៩ (COVID-19) ហើយណែនាំមន្ត្រីយើងអំពីការការពារ និងការធ្វើអនាម័យឲ្យបានត្រឹមត្រូវ
-ណែនាំឲ្យបណ្តានាយកដ្ឋាន-ស្ថានីយវិទ្យុ និងទូរទស្សន៍មហាផ្ទៃ ត្រូវផ្សព្វផ្សាយសារ និងសេចក្តីណែនាំរបស់គណៈកម្មការបង្ការ និងទប់ស្កាត់ការឆ្លងវីរុសកូវីដ-១៩ (COVID-19) នៃក្រសួងមហាផ្ទៃ ដល់មន្រ្តីក្រោមឱវាទដើម្បីរួមគ្នាទប់ស្កាត់ការឆ្លងវីរុសកូវីដ-១៩ (COVID-19) ដ៏កាចសាហាវនេះ
-ណែនាំដល់មន្ត្រីក្រោមឱវាទឲ្យមានការចូលរួមទប់ស្កាត់ និងចូលរួមរាយការណ៍ដល់ប្រធានអង្គភាពក្នុងករណីសង្ស័យមានអ្នកផ្ទុកវីរុសនេះ ឬអ្នកដែលទើបវិលត្រឡប់ពីក្រៅប្រទេស និងត្រូវបន្តតាមដានប្រវត្តិអ្នកដំណើរដែលទើបត្រឡប់មកពីក្រៅប្រទេស
-ចូលរួមលើកទឹកចិត្តដល់មន្ត្រីដែលនៅក្នុងអង្គភាពរបស់ខ្លួន កុំឲ្យមានការតក់ស្លុត និងភ័យខ្លាច
-ណែនាំឲ្យគ្រប់កន្លែងធ្វើការត្រូវឲ្យមានការវាស់កម្តៅ, មាន អាល់កុលសម្រាប់លាងដៃសម្លាប់មេរោគ ឬរៀបចំកន្លែងលាងដៃ និងសាប៊ូជាប្រចាំ
-រាយការណ៍បន្ទាន់ ប្រសិនបើមានមន្ត្រីណាដែលសង្ស័យថាមានជំងឺដែលបណ្តាលពីវីរុសកូវីដ-១៩ (COVID-19) មកមន្ទីរពេទ្យ ១៦ ឧសភា ដើម្បីជួយអន្តរាគមន៍ និងរាយការណ៍បន្តទៅក្រសួងសុខាភិបាល
-នាយកដ្ឋានសុខាភិបាលត្រូវចាត់តាំងក្រុមគ្រូពេទ្យជំនាញ អមដំណើរថ្នាក់ដឹកនាំក្រសួងរាល់ការអញ្ជើញចុះបេសកកម្ម ដោយអនុវត្តតាមវិធីសាស្ត្របច្ចេកទេសបង្ការ ទប់ស្កាត់ការឆ្លងវីរុសកូវីដ-១៩ (COVID-19)
-នាយកដ្ឋានសុខាភិបាលត្រូវចាត់តាំងក្រុមគ្រូពេទ្យជំនាញ រៀបចំត្រួតពិនិត្យសុខភាពអ្នកចូលរួម និងសម្អាតបរិវេណទីកន្លែងប្រារព្ធពិធីប្រជុំនានារបស់ថ្នាក់ដឹកនាំ ព្រមទាំងរៀបចំសម្អាតបាញ់ថ្នាំសម្លាប់មេរោគនៅតាមអង្គភាពនានាក្រោមឱវាទក្រសួងមហាផ្ទៃ
-នាយកដ្ឋានសុខាភិបាលត្រូវបង្កើតក្រុមគ្រូពេទ្យប្រចាំការ២៤ម៉ោង លើ២៤ម៉ោង ដោយត្រូវធ្វើការផ្លាស់ប្តូរវេនគ្នាដើម្បីតាមដានការវិវត្តន៍ នៃជំងឺកូវីដ-១៩ (COVID-19) និងត្រៀមរថយន្តសង្រ្គោះបន្ទាន់ ឧបករណ៍ សម្ភារបរិក្ខារវេជ្ជសាស្រ្តពាក់ព័ន្ធចាំបាច់ ដែលត្រូវប្រើប្រាស់ក្នុងករណីមានមន្រ្តីណាមួយឆ្លងជំងឺនេះ
-ណែនាំឲ្យគ្រប់នាយកដ្ឋាន-ស្ថានីយវិទ្យុ និងទូរទស្សន៍មហាផ្ទៃ ត្រូវបង្កើតក្រុមការងារប្រយុទ្ធប្រឆាំងវីរុសកូវីដ-១៩ (COVID-19)
-ធ្វើសេចក្តីរាយការណ៍ជូនគណៈកម្មការបង្ការ និងទប់ស្កាត់ការឆ្លងជំងឺកូវីដ-១៩ (COVID-19) នៃក្រសួងមហាផ្ទៃ ដើម្បីជូនជ្រាប
-បំពេញការងារផ្សេងៗទៀតតាមការប្រគល់ឲ្យពីគណៈកម្មការបង្ការ និងទប់ស្កាត់ការឆ្លងជំងឺកូវីដ-១៩ (COVID-19) នៃក្រសួងមហាផ្ទៃ និងថ្នាក់ដឹកនាំអគ្គនាយកដ្ឋានភស្តុភារ និងហិរញ្ញវត្ថុ៕

ដោយ៖ នាយកដ្ឋានព័ត៌មានវិទ្យា

ដែលមានខ្លឹមសារទាំងស្រុងដូចខាងក្រោម៖

ព័ត៌មានទាក់ទង
ក្រសួងមហាផ្ទៃ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ ទៅក្នុងទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ