អគ្គលេខាធិការដ្ឋាន ក្រសួងមហាផ្ទៃ សូមគោរពជូនដំណឹងដល់ ឯកឧត្តម លោកជំទាវ លោក លោកស្រី មេត្តាជ្រាបថា ឯកឧត្តម នាយឧត្តមសេនីយ៍ ប៉ោ ភក្តិ អគ្គលេខាធិការ នៃអគ្គលេខាធិការដ្ឋាន ក្រសួងមហាផ្ទៃ មានទុក្ខយ៉ាងក្រៀមក្រំដោយលោកឧបាសក ប៉ោ សុន ត្រូវជាឪពុកបង្កើតបានទទួលមរណភាពកាលពីថ្ងៃសៅរ៍ ទី១៥ ខែមករា ឆ្នាំ២០២២ វេលាម៉ោង ១៩:៥៥ នាទីយប់ ក្នុងជន្មាយុ ៨៣ឆ្នាំ ដោយរោគាពាធ។

សូមជម្រាបជូនផងដែរថា សពលោកឧបាសក ប៉ោ សុន ត្រូវបានតម្កល់ធ្វើបុណ្យតាមប្រពៃណីនៅគេហដ្ឋាន ភូមិតានាន់ ឃុំក្រាំងស្នាយ ស្រុកឈូក ខេត្តកំពត។

ជាមួយគ្នានេះដែរ សេចក្តីជូនដំណឹងនេះ ទុកជាការគោរពជម្រាបជូន ឯកឧត្តម លោកជំទាវ លោក លោកស្រី ដើម្បីជ្រាប និងគោពអញ្ជើញចូលរួមរំលែកទុក្ខដ៏ក្រៀមក្រំជាមួយ ឯកឧត្តម នាយឧត្តមសេនីយ៍ ប៉ោ ភក្តិ អគ្គលេខាធិការ នៃអគ្គលេខាធិការដ្ឋាន ក្រសួងមហាផ្ទៃ និងបងប្អូន ញាតិមិត្ត នៃក្រុមគ្រួសារសព៕

សូមពិនិត្យមើលប្លង់ទីតាំងដែលបានភ្ជាប់ជាមួយដូចខាងក្រោម៖

https://goo.gl/maps/27qngHidYtpgxv5EA

ដោយ៖ នាយកដ្ឋានព័ត៌មានវិទ្យា