អគ្គាធិការដ្ឋាន ក្រសួងមហាផ្ទៃ បើកកិច្ចប្រជ៉ំពិភាក្សារបាយការណ៍ ស្តីពីសកម្មភាពការងារប្រចាំខែមិថុនា និងទិសដៅការងារអនុវត្តបន្តសម្រាប់ខែកក្កដា ឆ្នាំ២០២២
June 27, 2022    អ្នកទស្សនា :

នាព្រឹកថ្ងៃចន្ទ ទី២៧ ខែមិថុនា ឆ្នាំ២០២២ នៅសាលប្រជុំរបស់អគ្គាធិការដ្ឋានឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន ក្រសួងមហាផ្ទៃ អញ្ជើញដឹកនាំកិច្ចប្រជុំពិភាក្សារបាយការណ៍ ស្តីពីសកម្មភាពការងារប្រចាំខែមិថុនា និងទិសដៅការងារអនុវត្តបន្តសម្រាប់ខែកក្កដាឆ្នាំ២០២២ របស់អគ្គាធិការដ្ឋាន និងមានការចូលរួមពី អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីពាក់ព័ន្ធ។

នាឱកាសនេះ ឯកឧត្តម អគ្គាធិការ បានលើកឡើងជូនអង្គប្រជុំ ដើម្បីជួយពិនិត្យផ្តល់យោលប់ទៅលើខ្លឹមសារ នៃរបាយការណ៍កិច្ចប្រជ៉ំ  ត្រង់ចំណុច ការរៀបរាប់សកម្មភាពរបស់នាយកដ្ឋានក្នុងរបាយការណ៍របស់អគ្គាធិការដ្ឋាន ពុំគួរបញ្ចូលនោះទេ  ដោយធ្វើការបូកសរុបសកម្មភាពទាំងអស់នោះជារួម ហើយបញ្ចូលជាសកម្មភាពអគ្គាធិការដ្ឋានវិញ ដើម្បីឱ្យរបាយការណ៍ខ្លឹមសារកាន់តែខ្លី និងច្បាស់លាស់ តែសកម្មភាពនាយកដ្ឋាន គួររៀបចំជាឧបសម្ព័ន្ធដាច់ដោយឡែក អមទៅជាមួយវិញ។

ឯកឧត្តម បានមានប្រសាសន៍បន្ថែមទៀតថា នាយកដ្ឋានរដ្ឋបាលសរុបត្រូវមានការ ត្រួតពិនិត្យឱ្យបានត្រឹមត្រូវ ច្បាស់លាស់នូវតួលេខ ដែលនាយកដ្ឋានជំនាញបញ្ជូនឱ្យ។

ទន្ទឹមនឹងនេះ ក្រោយពីអង្គប្រជុំបានពិនិត្យ និងពិភាក្សារួចមក ឯកឧត្តម អគ្គាធិការ បានប្រគល់ជូនក្រុមការងាររៀបចំពិនិត្យកែសម្រួលខ្លឹមសារឡើងវិញ តាមស្មារតីអង្គប្រជុំ ហើយប្រគល់ភារកិច្ចជូនដល់ ឯកឧត្តម សរ ភមរ៉ា និងឯកឧត្តម អ៉ឹង ឆែ អគ្គាធិការរង ត្រៀមដឹកនាំប្រជុំជាមួយប្រធាននាយកដ្ឋានទាំង០៦ ដើម្បីរៀបចំទម្រង់របាយការណ៍ថ្មី បន្ទាប់ពី ឯកឧត្តម អគ្គាធិការ នឹងបញ្ជូនទម្រង់របាយការណ៍ជាគោលជូន៕

ប្រភព៖ អគ្គាធិការដ្ឋាន

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ