ព្រឹកថ្ងៃសៅរ៍ ១២រោច ខែបុស្ស ឆ្នាំរកា ព.ស. ២៥៦១ ត្រូវនឹងថ្ងៃទី១៣ ខែមករា ឆ្នាំ២០១៨ ស្តង់ពិព័រណ៍របស់ក្រសួងមហាផ្ទៃ មានកិត្តិយសយ៉ាងឧត្តុង្គឧត្តមក្រៃលែង ដោយមានវត្តមានដ៏ខ្ពង់ខ្ពស់ សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញចូលរួមទស្សនា ការដាក់សម្ភារបច្ចេកទេសផ្សេងៗ និងប្រព័ន្ធបច្ចេកវិទ្យាថ្មីMobile App របស់ក្រសួងមហាផ្ទៃ ដែលបានដាក់អោយដំណើរការលើAppstore និងPlaystore កាលពីពេលថ្មីៗនេះ។
គួរបញ្ជាក់ផងដែរថា ស្តង់ពិព័រណ៍របស់ក្រសួងមហាផ្ទៃ ដែលកំពុងតាំងបង្ហាញក្នុងកម្មវិធីតាំងពិព័រណ៍យោធា ឆ្នាំ២០១៨នេះ នាយកដ្ឋានព័ត៌មានវិទ្យា នៃអគ្គលេខាធិការដ្ឋានក្រសួងមហាផ្ទៃ ជាអ្នករៀបចំផ្ទាល់ជាមួយអគ្គស្នងការនគរបាលជាតិ ក្នុងការតាំងបង្ហាញជូនដល់ថ្នាក់ដឹកនាំ និងប្រជាពលរដ្ឋទូទៅ បានទស្សនា ស្វែងយល់ អំពីបច្ចេកវិទ្យាផ្សេងៗដែលកំពុងប្រើប្រាស់សព្វថ្ងៃក្នុងការងារ បម្រើសេវារដ្ឋបាល សន្តិសុខ និងសណ្តាប់ធ្នាប់សាធារណៈជូនប្រជាពលរដ្ឋ៕