នៅរសៀលថ្ងៃសុក្រ ៨រោច ខែផល្គុន ឆ្នាំរកា ព.ស ២៥៦១ ត្រូវនឹងថ្ងៃទី០៩ ខែមីនា ឆ្នាំ២០១៨ នៅទីស្តីការក្រសួងមហាផ្ទៃ ប្រធានក្រុមការងារបច្ចេកទេស បានដឹកនាំប្រជុំក្រុមការងារដើម្បីពិភាក្សាលើកទីពីរនៃក្រុមបច្ចេកទេសអ្នកច្បាប់។ ក្នុងកិច្ចប្រជុំពិភាក្សានេះលើកទី២នេះ គឺតម្រូវឱ្យក្រុមការងារធ្វើការកែប្រែ និងសម្រួលពាក្យពេចន៍ ឃ្លោងឃ្លា នៅក្នុងមាត្រាមួយៗនៃច្បាប់ស្តីពីអន្តោប្រវេសន៍។ ច្បាប់នេះបង្កើតឡើង មានគោលបំណងក្នុងការគ្រប់គ្រងជនបរទេសគ្រប់រូបដែលមករស់នៅក្នុងព្រះរាជាណាចក្រកម្ពុជា ទាំងទេសចរណ៍ ប្រកបមុខរបរ ឬមកធ្វើការងារ ឱ្យគោរពច្បាប់ ពិសេសបង្ការ និងទប់ស្កាត់អំពើភេវរកម្ម ឧក្រឹត្យកម្មឆ្លងដែន និងបទល្មើសផ្សេងៗទៀត ដែលបង្កឡើងដោយជនបរទេស ដើម្បីរួមចំណែកបង្កើនចំណូលថវិកាជាតិ និងងាយស្រួលក្នុងកិច្ចសហប្រតិបត្តិការអន្តរជាតិពាក់ព័ន្ធនឹងកិច្ចការអន្តោប្រវេសន៍៕