នាព្រឹកថ្ងៃអង្គារ ៣កើត ខែពិសាខ ឆ្នាំច សំរឹទ្ធិស័ក ពុទ្ធសករាជ ២៥៦១ ត្រូវនឹងថ្ងៃទី១៧ ខែមេសា ឆ្នាំ២០១៨ ឯកឧត្តម នាយឧត្តមសេនីយ៍ ប៉ោ ភក្តិ អគ្គលេខាធិការ នៃអគ្គលេខាធិការដ្ឋាន ក្រសួងមហាផ្ទៃ បានអញ្ជើញជាអធិបតីក្នុងពិធីបុណ្យសម្ពោធឆ្លងឧបដ្ឋានសាលានៅ វត្តមុនីគោត្តមារា ឃុំ គោខ្ចក ស្រុកកំពង់ត្របែក ខេត្តព្រៃវែង។ ពិធីសម្ពោធនេះមានការអញ្ជេីញចូលរួមពីគណៈអធិបតី និងមន្ត្រីគ្រប់ជាន់ថ្នាក់របស់សាលាខេត្ត ស្រុក ឃុំ ភូមិ ព្រមទាំងប្រជាពលរដ្ឋ។
នាឱកាសនោះដែរ ឯកឧត្តម នាយឧត្តមសេនីយ៍ បានមានមតិសំណេះសំណាល និងផ្តាំផ្ញើ ជូនពរដល់បងប្អូន ប្រជាពលរដ្ឋទាំងអស់ជួបតែសេចក្តីសុខ សុវត្ថិភាព ក្នុងឱកាសបុណ្យចូលឆ្នាំថ្មីប្រពៃណីជាតិ ដែលបានចូលរួមបុណ្យឆ្លងក្នុងការកសាងឧបដ្ឋានសាលា ព្រមទាំងជូនទេយ្យទានដល់តាជី យាយជី ដែលបានអញ្ជើញចូលរួមផងដែរ៕