ពិធីចែកទោចក្រយានយន្ត ជូនស្នងការនគរបាលរាជធានី-ខេត្ត
នាព្រឹកថ្ងៃពុធ ៦កើត ខែទុតិយាសាឍ ឆ្នាំច ព.ស ២៥៦២ ត្រូវនឹងថ្ងៃទី១៨ ខែកក្ដដា ឆ្នាំ២០១៨ នៅទីស្តីការក្រសួងមហាផ្ទៃ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីដ៏ខ្ពង់ខ្ពស់ ក្នុងពិធីការបែងចែកទោចក្រយានយន្តចំនួន ១,៦៤៦ គ្រឿង (មួយពាន់ប្រាំមួយរយសែសិបប្រាំមួយ) ម៉ាក SUZUKI Smash 113cc ផលិតឆ្នាំ២០១៨ ជូនស្នងការនគរបាលរាជធានី ខេត្ត ដើម្បីផ្តល់ជូនប៉ុស្តិ៍នគរបាលរដ្ឋបាលទូទាំងប្រទេស ដើម្បីបម្រើការងារសន្តិសុខ សណ្តាប់ធ្នាប់ សុវត្ថិភាពក្នុងមូលដ្ឋានរបស់ខ្លួន និងបានត្រៀមលក្ខណៈដើម្បីធ្វើការបែងចែកនៅតាមមុខសញ្ញាកំណត់៕
