នៅថ្ងៃសុក្រ ០៧ រោធ ខែទុតិយាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៣ ខែសីហា ឆ្នាំ២០១៨ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានផ្ញើសារលិខិតថ្លែងអំណរគុណដល់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ដែលបានចូលរួមរំលែកមរណទុក្ខក្នុងពិធីបុណ្យសព ឯកឧត្តម ស ថេង អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ដែលត្រូវជាប្អូនបង្កើតរបស់សម្តេច ដែលបានទទួលមរណ:ភាពកាលពីថ្ងៃអាទិត្យទី៣០ ខែកក្កដាឆ្នាំ២០១៨ វេលាម៉ោង ១០:៣៩ នាទី កន្លងទៅនេះ។