សម្តេចក្រឡាហោម ស ខេង ដឹកនាំគណៈប្រតិភូក្រសួងមហាផ្ទៃចូលរួមគោរពវិញ្ញាណក្ខន្ធ នៅវិមានឯករាជ្យ និងព្រះករុណា ព្រះបរមរតនកោដ្ឋ
នាសៀលថ្ងៃព្រហស្បតិ៍ ១កើត ខែកត្តិក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៨ ខែវិច្ឆិកា ឆ្នាំ២០១៨នេះ សម្តេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានដឹកនាំគណៈប្រតិភូថ្នាក់ដឹកនាំមន្រ្តីរាជការស៊ីវិល និងនគរបាលជាតិ នៃក្រសួងមហាផ្ទៃចូលរួមដាក់កម្រងផ្កា គោរពវិញ្ញាណក្ខន្ធ នៅវិមានឯករាជ្យ ក្នុងឱកាសទិវាបុណ្យឯករាជ្យជាតិ និងទិវាកំណើតនៃកងយោធពលខេមរភូមិន្ទ។ បន្ទាប់មក សម្តេចក្រឡាហោម ស ខេង ក៏បានដឹកនាំគណៈប្រតិភូបន្តដំណើរទៅថ្វាយកម្រងផ្កា គោរពវិញ្ញាណក្ខន្ធ ព្រះករុណា ព្រះបរមរតនកោដ្ឋផងដែរ៕ គឹមអាន
ប្រភព៖ នាយកដ្ឋានព័ត៌មានវិទ្យា
