អគ្គនាយកដ្ឋានរដ្ឋបាល បើកកិច្ចប្រជុំពិភាក្សាជាមួយក្រសួងរៀបចំដែនដី ដើម្បីការរៀបចំវគ្គបណ្តុះបណ្តាលស្តីពីបច្ចេកទេសនៃការផ្តល់សេវារដ្ឋបាល
នាព្រឹកថ្ងៃចន្ទ ១រោច ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២១ ខែមករា ឆ្នាំ២០១៩ អគ្គនាយកដ្ឋានរដ្ឋបាល ក្រសួងមហាផ្ទៃ បានរៀបចំកិច្ចប្រជុំពិភាក្សាជាមួយក្រសួងរៀបចំដែនដី នគរូបនីយកម្ម និងសំណង់ ពាក់ព័ន្ធនឹងការរៀបចំវគ្គបណ្តុះបណ្តាលស្តីពីបច្ចេកទេសនៃការផ្តល់សេវារដ្ឋបាលដល់ថ្នាក់ដឹកនាំ និងមន្រ្តីនៃអង្គភាពច្រកចេញចូលតែមួយរាជធានី-ខេត្ត ចំពោះសេវាសាធារណៈរបស់ក្រសួងរៀបចំដែនដី នគរូបនីយកម្ម និងសំណង់ ដែលបានផ្ទេរទៅឱ្យអង្គភាពច្រកចេញចូលតែមួយរាជធានី ខេត្ត៕គឹមអាន
ប្រភព៖ អគ្គនាយកដ្ឋានរដ្ឋបាល
