នាព្រឹកថ្ងៃអង្គារ ២រោច ខែបុស្ស ឆ្នាំច សំរឹទ្ធស័ក ព.ស ២៥៦២ ត្រូវនឹងថ្ងៃទី២២ ខែមករា ឆ្នាំ២០១៩ ឯកឧត្ដម នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន បានដឹកនាំកិច្ចប្រជុំឆ្លងឯកសារត្រៀមរៀបចំសិក្ខាសាលាស្តីពីការត្រួតពិនិត្យគ្រឿងញៀនទិសឥសាន្ត និងភូមិសគ្មានគ្រឿងញៀន ។
សូមបញ្ជាក់ដែរថា សិក្ខាសាលាស្តីពីការត្រួតពិនិត្យគ្រឿងញៀនទិសឥសាន្ត និងភូមិសគ្មានគ្រឿងញៀន នឹងធ្វើឡើងនៅខេត្តស្ទឹងត្រែងដែលមានរយៈពេលពីរថ្ងៃគឺ២៩-៣០ខែមករាឆ្នាំ២០១៩ ហើយក៏មានការចូលរួមពីគ្រប់គណៈកម្មការត្រួតពិនិត្យគ្រឿងញៀនរាជធានី-ខេត្តជាប់ព្រំដែន, តំណាងស្ថានទូតឡាវ វៀតណាម ចិន ថៃ និងបណ្តាសមាជិករបស់អាជ្ញាធរជាតិប្រយុទ្ធប្រឆាំងគ្រឿង នៅតាមក្រសួងស្ថាប័ននានាផងដែរ៕គឹមអាន
ប្រភព៖ អគ្គលេខាធិការដ្ឋាននៃអាជ្ញាធរជាតិប្រយុទ្ធប្រឆាំងគ្រឿងញៀន