នាព្រឹកថ្ងៃចន្ទ ១៤រោច ខែបុស្ស ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៤ខែកុម្ភៈឆ្នាំ២០១៩ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធីបតីដ៏ខ្ពង់ខ្ពស់បើកកិច្ចប្រជុំពិភាក្សា លើសេចក្តីព្រាងខ្លឹមសាររបាយការណ៍អំពីលទ្ធផលការងារឆ្នាំ២០១៨ និងលើកទិសដៅការងារឆ្នាំ២០១៩ ដើម្បីត្រៀមរៀបចំសន្និបាតរបស់ក្រសួងមហាផ្ទៃ នាថ្ងៃទី១៣-១៤ ខែកុម្ភៈឆ្នាំ២០១៩ខាងមុខនេះ ដោយមានការអញ្ជើញចូលរួមដោយ រដ្ឋលេខាធិការ អនុរដ្ឋលេខាធិការ និងបណ្តាថ្នាក់ដឹកនាំជាច្រើនផងដែរ។
ក្នុងឱកាសនោះដែរ សម្តេចក្រឡាហោម បានជម្រុញឲ្យថ្នាក់ដឹកនាំទាំងអស់ពិភាក្សាដោយយកចិត្តទុកដាក់លើការងារនេះឲ្យបានល្អ ជាពិសេសលើខ្លឹមសារ ពាក្យពេចន៍ ការប្រើប្រាស់ប្រយោគឲ្យបានត្រឹមត្រូវ នៅលើប្រធានបទដែលនឹងយកមកពិភាក្សាក្នុងសន្និបាតនេះ ដើម្បីធ្វើយ៉ាងណាអោយសន្និបាតរបស់ក្រសួងនាពេលខាងមុខនេះប្រព្រឹត្តទៅប្រកបដោយភាពរលូន៕គឹមអាន