នៅថ្ងៃព្រហស្បតិ៍ ៩រោច ខែផល្គុន ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៤ ខែមីនា ឆ្នាំ២០១៩ ក្រសួងមហាផ្ទៃ បានចេញសេចក្តីជូនដំណឹងជម្រាបជូនដល់អភិបាល នៃគណៈអភិបាលរាជធានី ខេត្ត អោយត្រៀមលក្ខណក្នុងការរៀបចំវេទិកាពិគ្រោះយោបល់ជាមួយសមាគម អង្គការមិនមែនរដ្ឋាភិបាល និងសហគមន៍នានានៅក្នុងមូលដ្ឋានដែនសមត្ថកិច្ចរបស់ខ្លួន។ ក្រសួងមហាផ្ទៃ ស្នើដល់រដ្ឋបាលរាជធានី ខេត្ត ធ្វើការកំណត់ឲ្យបានជាក់លាក់នូវកាលបរិចេ្ឆទនៃការរៀបចំវេទិកាពិគ្រោះយោបល់សម្រាប់ឆ្នាំ២០១៩នេះ ដែលតម្រូវអោយមានការចូលរួមពីគ្រប់ភាគីពាក់ព័ន្ធ៕ គឹមអាន
ប្រភព៖ អគ្គនាយកដ្ឋានរដ្ឋបាល