រតនគិរី៖ លោកស្រីឧត្តមសេនីយ៍ត្រី កែវ ដាវី ស្នងការរង និងជាប្រធានក្រុមការងារយេនឌ័រ តំណាងដ៏ខ្ពង់ខ្ពស់លោកជំទាវ កែ សួនសុភី បាននាំយកថវិកា និងសាកសួរសុខទុក្ខ ក៏ដូចជាការលើកទឹកចិត្តដល់កងកម្លាំងវីរកងទ័ពជួរមុខ ដែលបានកំពុងសម្រាកព្យាបាលសុខភាព នៅមន្ទីពេទ្យបង្អែកខេត្តរតនគិរី និងផ្តល់ជូនគ្រួសាររបស់វីរកងទ័ពពលីក្នុងចម្បាំងតតាំងជាមួយសត្រូវឈ្លានពាន​ ក្នុងនោះអ្នកសម្រាកព្យាបាលម្នាក់ៗទទួលបានថវិកាចំនួន១លានរៀល និងគ្រួសាររបស់វីរកងទ័ពជួរមុខដែលបានពលីទទួលបានចំនួន ៤លានរៀល។

ទាំងនេះគឺជាការបង្ហាញពីស្មារតីយកចិត្តទុកដាក់របស់ថ្នាក់ដឹកនាំ និងជាការសាមគ្គីជាធ្លុងមួយ តាមរយៈរួមសុខរួមទុក្ខចំពោះកងកម្លាំងវីរកងទ័ពជួរមុខដែលបានធ្វើពលីកម្មលះបង់សាច់ស្រស់ឈាមស្រស់ការពារទឹកដីនិងជាតិមាតុភូមិពីសត្រូវឈ្លានពាន។

ប្រភព៖ ស្នងការដ្ឋាននគរបាលខេត្តរតនគិរី