មណ្ឌលគិរី៖ នារសៀលថ្ងៃទី២១ ខែកក្កដា ឆ្នាំ២០២៦នេះ លោកឧត្តមសេនីយ៍ត្រី ជា ចិត្រា ស្នងការនគរបាលខេត្តមណ្ឌលគិរី បានដឹកនាំគណ:ប្រតិភូអញ្ជើញចូលរួមក្នុងកិច្ចប្រជុំលើកទី១ស្ដីពីកិច្ចសហប្រតិបត្តិការបង្ការនិង បង្ក្រាបបទល្មើសនិងរក្សាសន្តិសុខ សណ្ដាប់ធ្នាប់នៅតាមតំបន់ព្រំដែន ដោយមានការចូលរួមពី លោកឧត្តមមសេនីយ៍ត្រី ឆាយ សុខា អនុប្រធាននាយកដ្ឋានទទួលបន្ទុកកិច្ចការព្រំដែន កម្ពុជា-វៀតណាម នៃអគ្គស្នងការដ្ឋាននគរបាលជាតិព្រមទាំងគណ:ប្រតិលោក លោកស្រីជាស្នងការរង លោកអធិការនៃអធិការដ្ឋាននគរបាលស្រុកដែលនៅជាប់តាមខ្សែបន្ទាត់ព្រំដែនជាច្រេីនរូបទៀត។

លោកឧត្តមសេនីយ៍ត្រី ជា ចិត្រា ស្នងការនគរបាលខេត្ត បានស្នេីរឱ្យ គ្រប់តាមបណ្តាផែនជំនាញការងារ និងតាមបណ្តាការិយាល័យពាក់ព័ន្ធនានា បន្តនូវការសហការរក្សាការពារសន្តិសុខ សណ្ដាប់ធ្នាប់និងសុវត្ថិភាពនៅតាមតំបន់ព្រំដែនរវាងភាគីនៃខេត្ត ទាំងពីរដើម្បីបង្ការនិង ទប់ស្កាត់ត្រួតពិនិត្យ ការឆ្លងដែនចេញចូលដោយខុសច្បាប់ជាពិសេសកាចូលរួមសហការទប់ស្កាត់និង លុបបំបាត់ឱ្យបានទាន់ពេលវេលា នូវបទ ល្មើសអនឡាញស្កេម (Online Scams) ក្នុងទូទាំងខេត្តទាំងពីរ។ 

ក្នុងកិច្ចប្រជុំនេះភាគី ទាំងពីរបានឯកភាពគ្នានិងបានចុះហត្ថលេខាលើកំណត់ហេតុនៃកិច្ចប្រជុំស្ដីពី កិច្ចសហប្រតិបត្តិការបង្ការ រក្សាសន្តិសុខ សណ្ដាប់ធ្នាប់នៅតាមតំបន់ព្រំដែននៃខេត្តទាំងពីរនិងបានដាក់ទិសដៅអនុវត្តការងារបន្តទៀត។

ប្រភព៖ ស្នងការដ្ឋាននគរបាលខេត្តមណ្ឌលគិរី