នៅរសៀលថ្ងៃព្រហស្បតិ៍ ទី២១ ខែឧសភា ឆ្នាំ២០២៦ ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញជាអធិបតីក្នុងពិធីបិទវគ្គបណ្តុះបណ្តាលស្តីពី «ការឆ្លើយតបបឋមទៅលើបទល្មើសទូទៅ» ដោយមានការអញ្ជើញចូលរួមពី ឯកឧត្តមឧត្តមសេនីយ៍ឯក អនុប្រធានបណ្ឌិត្យសភា ប្រធានមន្ទីរ ប្រធាន-នាយកអង្គភាពចំណុះបណ្ឌិត្យសភា និងមន្ត្រីពាក់ព័ន្ធ ព្រមទាំងលោក ជេមស៍ ម៉ាកខេន(James McCabe) នាយកអង្គភាពការពារកុមារនៃអង្គការមូលនិធិកុមារកម្ពុជា និងក្រុមការងារ នាសាលសន្និសីទ-ព្រះរាម(អគារប្រពៃណី ក-A) នៃបណ្ឌិត្យសភានគរបាលកម្ពុជា។

ក្នុងឱកាសនោះ ឯកឧត្តមនាយឧត្តមសេនីយ៍ ប្រធានបណ្ឌិត្យសភា បានថ្លែងអំណរគុណចំពោះលោកនាយកអង្គភាពការពារកុមារនៃអង្គការមូលនិធិកុមារកម្ពុជានិងក្រុមការងារ ដែលបានសហការរៀបចំបើកវគ្គបណ្តុះបណ្តាលជំនាញស្តីពី «ការឆ្លើយតបបឋមទៅលើបទល្មើសទូទៅ» ដោយជោគជ័យនិងត្រូវបានធ្វើពិធីបិទវគ្គបណ្តុះបណ្តាលនារសៀលនេះ។

ឯកឧត្តមនាយឧត្តមសេនីយ៍ ប្រធានបណ្ឌិត្យសភា បានបញ្ជាក់ឱ្យដឹងថា វគ្គបណ្តុះបណ្តាលស្តីពី «ការឆ្លើយតបបឋមទៅលើបទល្មើសទូទៅ» ពិតជាមានសារៈសំខាន់ក្នុងការ បង្កើនចំណេះដឹងមូលដ្ឋានដល់គ្រូនគរបាលជាតិ ទាក់ទងនឹងមេរៀនរក្សាទុកភស្តុតាង រក្សាសុវត្ថិភាពជនរងគ្រោះ ការទទួលបានសក្ខីកម្មត្រឹមត្រូវ ការទប់ស្កាត់ និងការបង្អាក់បទល្មើស...៕

ប្រភព៖ បណ្ឌិត្យសភានគរបាលកម្ពុជា