ខេត្តកំពង់ឆ្នាំង៖ លោក ពេជ្រ កែវមុនី អភិបាលរងខេត្ត តំណាងឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្ត រួមជាមួយ ឯកឧត្តម សុីវ រុន ប្រធានក្រុមប្រឹក្សាខេត្ត បានអញ្ជើញចូលរួមពិធីសម្ពោធឆ្លងក្លោងទ្វាវត្តមង្គលបញ្ញា ហៅវត្តបាញ់ឆ្គោល និងស្ពានព្រៃក្រាំង ស្ថិតនៅភូមិបាញ់ឆ្គោល ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង កាលពីព្រឹកថ្ងៃទី១១ ខែធ្នូ ឆ្នាំ២០២៤ ក្រោមអធិបតីភាព ឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រី ទទួលបន្ទុកបេសកកម្មពិសេស និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង។ 

ដោយមានការអញ្ជើញចូលរួមពី លោកជំទាវ កែ ច័ន្ទមុនី ឯកឧត្តម ឡុង ឈុនឡៃ និងឯកឧត្តម ហ៊ឺ វីរៈ អ្នកតំណាងរាស្រ្តមណ្ឌលកំពង់ឆ្នាំង ព្រមទាំងឯកឧត្តម លោកជំទាវ និងលោក លោកស្រី មន្ទីរអង្គភាពជុំវិញខេត្ត រួមនិងអាជ្ញាធរដែនដី ព្រះសង្ឃ លោកគ្រូ អ្នកគ្រូ សិស្សា នុសិស្ស និងប្រជាពលរដ្ឋក្នុងមូលដ្ឋានផងដែរ៕

ប្រភព៖ រដ្ឋបាលខេត្តកំពង់ឆ្នាំង