នៅព្រឹកថ្ងៃពុធ ទី២១ ខែតុលា ឆ្នាំ២០២៦ ឯកឧត្ដមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញសំណេះសំណាលជាមួយនឹងសិស្សនគរបាលនៃវគ្គកម្រិតបឋមវិជ្ជាជីវៈនគរបាល ជំនាន់ទី២០ លើកទី២ ដែលកំពុងសិក្សា-ហ្វឹកហាត់ នៅសាលានគរបាលជាតិភូមិភាគ៣ ស្ថិតនៅឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ និងពិនិត្យហេដ្ឋារចនាសម្ព័ន្ធនានារបស់សាលា ដែលមានការអញ្ជើញចូលរួមអមដំណើរដោយ ឧត្តមសេនីយ៍ឯក អនុប្រធានបណ្ឌិត្យសភានគរបាលកម្ពុជាមួយចំនួននិងទទួលស្វាគមន៍ដោយថ្នាក់ដឹកនាំនិងមន្ត្រីសាលា ផងដែរ។

ក្នុងឱកាសនោះ ឯកឧត្តមនាយឧត្តមសេនីយ៍ ប្រធានបណ្ឌិត្យសភា ក៏បានមានមតិណែនាំ ក្រើនរំឭកដល់សិស្សនគរបាលទាំង ត្រូវអនុវត្តឱ្យបានខ្ជាប់ខ្ជួននូវបទបញ្ជាផ្ទៃក្នុង ដែលកំណត់ដោយបណ្ឌិត្យសភានគរបាលកម្ពុជា ព្រមទាំងគោរពបទបញ្ជានិងការណែនាំរបស់ថ្នាក់ដឹកនាំសាលានិងគ្រូបង្រៀន ឱ្យបានម៉ឺងម៉ាត់ជាប្រចាំ។

ប្រភព៖បណ្ឌិត្យសភានគរបាលកម្ពុជា