នៅរសៀល ទី១៣ ខែកក្កដា ឆ្នាំ២០២៦ ឯកឧត្តម នៅ លក្ខណា រដ្ឋលេខាធិការក្រសួងមហាផ្ទៃ ប្រធានគណៈកម្មការប្រយុទ្ធប្រឆាំងផលិតផលក្លែងក្លាយដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម (គ.ប.ផ.ក.) បានអញ្ជើញចូលរួមក្នុងកិច្ចប្រជុំក្រុមការងារបច្ចេកទេសអន្តរក្រសួង សិក្សារៀបចំ និងជំរុញការគ្រប់គ្រងសុវត្ថិភាពម្ហូបអាហារ និងឱសថ។ 

កិច្ចប្រជុំនេះបានប្រព្រឹត្តធ្វើឡើង នាទីស្ដីការក្រសួងសេដ្ឋកិច្ចនិងហិរញ្ញវត្ថុ ដឹកនាំដោយ ឯកឧត្តមបណ្ឌិតសភាចារ្យ ផាន់ ផល្លា រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងារបច្ចេកទេសអន្តរក្រសួងសិក្សា រៀបចំ និងជំរុញការគ្រប់គ្រងសុវត្ថិភាពម្ហូបអាហារ និងឱសថ ដោយមានការចូលរួមពីឯកឧត្តម លោកជំទាវ លោក លោកស្រី នៃក្រសួងស្ថាប័ន ដែលជាអនុប្រធាន សមាជិក និងមន្ត្រីពាក់ព័ន្ធជាច្រើនរូប៕