នៅព្រឹកថ្ងៃទី២៥ ខែវិច្ឆិកា ឆ្នាំ២០២១នេះ ឯកឧត្ដម ស៊ីវ រុន សមាជិកក្រុមប្រឹក្សាខេត្ត រួមជាមួយលោក លៀង ជុំសុបិន្ត នាយករងរដ្ឋបាលសាលាខេត្ត និងប្រធានក្រុមប្រឹក្សាស្រុក ឬតំណាង (បរិបូណ៌ កំពង់លែង ជលគីរី ទឹកផុស សាមគ្គីមានជ័យ រលាប្អៀរ) អភិបាលរងស្រុក ប្រធានការិយាល័យច្រកចេញចូលតែមួយស្រុក និងមន្ត្រីអនុវត្តមុខងារនៃការិយាល័យច្រក បានចូលរួមសិក្ខាសាលាផ្សព្វផ្សាយសេចក្ដីណែនាំស្ដីពីបែបបទ និងនីតិវិធីនៃការគ្រប់គ្រង និងការផ្ដល់សេវារដ្ឋបាលក្នុងវិស័យដឹកជញ្ជូនផ្លូវគោក នៅរដ្ឋបាលក្រុង ស្រុក ខណ្ឌ នៅសាលាខេត្តកំពង់ស្ពឺ។

ពិធីបើកសិក្ខាសាលាប្រព្រឹត្តទៅក្រោមអធិបតីភាពឯកឧត្ដម សួន រចនា រដ្ឋលេខាធិការក្រសួងសាធារណការ និងដឹកជញ្ជូន ឯកឧត្ដម យឹម សុខុម ប្រធានក្រុមប្រឹក្សាខេត្ត និងឯកឧត្ដម វ៉ី សំណាង អភិបាលខេត្តកំពង់ស្ពឺ។ សិក្ខាកាមអញ្ជើញមកពីខេត្តកំពង់ស្ពឺ ខេត្តកំពង់ឆ្នាំង ខេត្តកណ្ដាល និងខេត្តតាកែវ៕

ប្រភព៖ រដ្ឋបាលខេត្តកំពង់ឆ្នាំង