រដ្ឋបាលខេត្តកំពង់ឆ្នាំង បើកកិច្ចប្រជុំពិគ្រោះយោបល់ថ្នាក់ខេត្តលើកទី២ ស្តីពីការកំណត់តំបន់គ្រប់គ្រង និងផែនការគ្រប់គ្រងដែនជម្រកសត្វព្រៃភ្នំឱរ៉ាល់
ខេត្តកំពង់ឆ្នាំង៖ នៅព្រឹកថ្ងៃព្រហស្បតិ៍ទី២៥ ខែវិច្ឆិកា ឆ្នាំ២០២១នេះ ឯកឧត្តម នៃ ចារី អភិបាលរងខេត្ត តំណាងឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង បានដឹកនាំមន្ទីរជំនាញ និងអ្នកពាក់ព័ន្ធ ចូលរួមកិច្ចប្រជុំពិគ្រោះយោបល់ថ្នាក់ខេត្តលើកទី២ ស្តីពីការកំណត់តំបន់គ្រប់គ្រង និងផែនការគ្រប់គ្រងដែនជម្រកសត្វព្រៃភ្នំឱរ៉ាល់។
គោលបំណងដើម្បីពិនិត្យ និងផ្តល់យោបល់លើ៖
១.សេចក្តីព្រាងលើកទី២នៃផែនទីកំណត់ និងបែងចែកតំបន់គ្រប់គ្រង
២.សេចក្តីព្រាងរបាយការណ៍កំណត់ និងបែងចែកតំបន់គ្រប់គ្រង
៣.សេចក្តីព្រាងរបាយការណ៍ផែនការគ្រប់គ្រង
ជាមួយក្រសួងបរិស្ថាន តាមប្រព័ន្ធបញ្ជូនរូបភាព និងសម្លេងពីចម្ងាយ តាមកម្មវិធី ZOOM ក្រោមការដឹកនាំរបស់ឯកឧត្តម គឹម ណុង អគ្គនាយក នៃអគ្គនាយកដ្ឋានរដ្ឋបាលការពារ និងអភិរក្សធម្មជាតិ នៃក្រសួងបរិស្ថាន៕
ប្រភព៖ រដ្ឋបាលខេត្តកំពង់ឆ្នាំង
