អាជ្ញាធរខេត្តកោះកុង អញ្ជើញចូលរួមចុះពិនិត្យគម្រោងអភិវឌ្ឍទេសចរណ៍ខ្នាតតូច នៅឧទ្យានជាតិជួរភ្នំក្រវាញខាងត្បូង ស្ថិតក្នុងភូមិគគីរជ្រុំ ឃុំឫស្សីជ្រុំ ស្រុកថ្មបាំង

ថ្ងៃអង្គារ ទី១៨ ខែមករា ឆ្នាំ២០២២ លោក អ៊ុក ភ័ក្ត្រា អភិបាលរង នៃគណៈអភិបាលខេត្ត តំណាងរដ្ឋបាលខេត្តកោះកុង បានអញ្ជើញស្វាគមន៍ឯកឧត្តម ស្រ៊ុន ដារិទ្ធិ រដ្ឋលេខាធិការ ក្រសួងបរិស្ថាន ក្រុមការងារក្រសួង និងមានការចូលរួមពីលោកប្រធានមន្ទីរបរិស្ថាន អាជ្ញាធរមូលដ្ឋាន ចុះពិនិត្យគម្រោងអភិវឌ្ឍទេសចរណ៍ខ្នាតតូច នៅឧទ្យានជាតិជួរភ្នំក្រវាញខាងត្បូង ស្ថិតក្នុងភូមិគគីរជ្រុំ ឃុំឫស្សីជ្រុំ ស្រុកថ្មបាំង។

តាមរយៈការចុះពិនិត្យទីតាំងជាក់ស្តែង រដ្ឋបាលខេត្ត បានលើកនូវសំណូមពរមួយចំនួន ដូចខាងក្រោម៖

១- ស្នើសិក្សាអំពីសំណងផលប៉ះពាល់ដល់ចម្ការឬដំណាំរបស់ប្រជាពលរដ្ឋ ក្នុងករណីបើមាន

២- ធ្វើការអភិវឌ្ឍតាមទំហំដី និងគោលការណ៍អនុញ្ញាតរបស់រាជរដ្ឋាភិបាល ក៏ដូចជាក្រសួងបរិស្ថាន ដើម្បីកាត់បន្ថយផលប៉ះពាល់ធនធានធម្មជាតិ និងជីវចម្រុះឲ្យនៅកម្រិតទាប

៣- ត្រូវយកចិត្តទុកដាក់ការគ្រប់គ្រងសំណល់រឹងរាវ

៤- លើកទឹកចិត្តក្នុងការបង្កើតការងារ ជូនប្រជាពលរដ្ឋនៅមូលដ្ឋាន ដែលនឹងធ្វើឲ្យជីវភាពរស់នៅរបស់ពួកគាត់កាន់តែប្រសើរឡើង

៥- សហការឲ្យបានជិតស្និទ្ធិ ជាមួយអាជ្ញាធរមូលដ្ឋាន ជាពិសេសរដ្ឋបាលស្រុក និងរដ្ឋបាលឃុំ ដែលនៅផ្តល់សេវា និងសម្របសម្រួលកៀកកិតបំផុត៕

ប្រភព៖ រដ្ឋបាលខេត្តកោះកុង

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ