តាកែវ៖ នៅសាលប្រជុំសាលាខេត្តតាកែវ នាថ្ងៃសុក្រ ទី១ ខែកក្កដា ឆ្នាំ២០២២ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ និងជាប្រធានគណៈបញ្ជាការឯកភាពរដ្ឋបាលខេត្តតាកែវ បានអញ្ជើញបើកកិច្ចប្រជុំផ្សព្វផ្សាយជាមួយ មន្រ្តីជំនាញសុខាភិបាល និងអភិបាលក្រុង ស្រុក ប្រធានOD ក្រុង ស្រុក ដើម្បីធ្វើការជំរុញដល់ប្រជាពលរដ្ឋឱ្យមកទទួលការចាក់វ៉ាក់សាំងកូវីដ-១៩ នូវដូសទី៣ ដូសទី៤ និងដូសទី៥ ឱ្យបានគ្រប់ៗគ្នា។
ថ្លែងក្នុងឱកាសនោះដែរ ឯកឧត្តម អ៊ូច ភា អភិបាលខេត្ត ក៏បានធ្វើការជំរុញបន្ថែមទៀត ដល់ថ្នាក់ដឹកនាំផ្នែកសុខាភិបាលទាំងអស់ ពិសេសលោកអភិបាលក្រុង ស្រុក ទាំង១០ ត្រូវតែបន្តផ្សព្វផ្សាយ ធ្វើយ៉ាងការជំរុញដល់ប្រជាពលរដ្ឋឱ្យមកទទួលការចាក់វ៉ាក់សាំងកូវីដ-១៩ ដូសទី៣ ដូសទី៤ និងដូសទី៥ ឱ្យបានគ្រប់ៗគ្នា ដើម្បីចូលរួមទប់ស្កាត់ និងការពារឱ្យបានគ្រប់ៗគ្នា ដោយបន្តអនុវត្តឱ្យបានខ្ជាប់ខ្ជួននូវវិធានការ ៣ការពារ ៣កុំ និងតាមការណែនាំរបស់រាជរដ្ឋាភិបាល និងវិធាននានារបស់ក្រសួងសុខាភិបាល ដែលបានណែនាំ ដើម្បីសហគមន៍គ្មានការឆ្លងរីករាលនៃជំងឺកូវីដ-១៩៕
ប្រភព៖ រដ្ឋបាលខេត្តតាកែវ