នៅថ្ងៃទី២០ ខែកញ្ញា ឆ្នាំ២០២៣ រដ្ឋបាលខេត្តសៀមរាប បានរៀបចំពិធីទូងស្គរ ដើម្បីអបអរការចុះបញ្ជី «រមណីយដ្ឋានបុរាណវិទ្យា ប្រាសាទកោះកេរ» ជាសម្បត្តិបេតិកភណ្ឌពិភពលោក ត្រូវបានចុះបញ្ជីជាសម្បត្តិបេតិកភណ្ឌពិភពលោក របស់អង្គការយូនីស្កូ (UNESCO) កាលពីថ្ងៃទី១៧ ខែ កញ្ញាឆ្នាំ២០២៣ ស្របតាមការអំពាវនាវរបស់ប្រមុខរាជរដ្ឋាភិបាល ក្រោមអធិបតីភាព ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប ព្រមទាំងមានការចូលរួមពី លោក លោកស្រីអភិបាលរង និងមន្ត្រីពាក់ព័ន្ធជាច្រើនរូបទៀត។ ព្រះសង្ឃ កងកម្លាំងប្រដាប់អាវុធ មន្ត្រីរាជការ បងប្អូនប្រជាពលរដ្ឋ សិស្ស និស្សិត នៅតាមទីតាំងស្ថាប័នរដ្ឋ វត្តអារ៉ាម វិហារសាសនា គ្រឹះស្ថានឯកជន សាលារៀន បានជួបជុំដោយមានវាយគង ទូងស្គរ ទះប៉ោត… ដើម្បីអបអរសាទររមណីយដ្ឋានប្រាសាទកោះកេរ ដាក់បញ្ចូលក្នុងបញ្ជីបេតិកណ្ឌពិភពលោក។ សូមបញ្ជាក់ថា ប្រការនេះគឺជាការបង្ហាញឱ្យឃើញពីមោទកភាពជាតិ សាមគ្គីភាពជាតិ និងជាសមិទ្ធផលមួយរបស់រាជរដ្ឋាភិបាលក្នុងអាណត្តិទី៧ សម្រាប់ខេត្តសៀមរាប បានសំដែងនូវការសាទរយ៉ាងក្រៃលែងចំពោះសម្បត្តិបេតិកភណ្ឌជាតិ ត្រូវបានបញ្ចូលក្នុងបញ្ជីបេតិកភណ្ឌពិភពលោក៕ ប្រភព៖ រដ្ឋបាលខេត្តសៀមរាប