នាព្រឹកថ្ងៃអង្គារ ទី១៩ ខែកញ្ញា ឆ្នាំ២០២៣នេះ ឯកឧត្តម ប៉េង ពោធិ៍សា អភិបាល នៃគណៈអភិបាលខេត្តស្វាយរៀង បានអញ្ជើញចុះពិនិត្យទីតាំងរៀបចំផែនការអភិវឌ្ឍកែលម្អសោភ័ណភាពក្នុងក្រុងស្វាយរៀង មាន ដូចជា ទីតាំងសាងសង់អគារធ្វើការ មជ្ឈមណ្ឌលព័ត៌មានទេសចរណ៍ ស្ថានីយបូមទឹកឆៅ និងសួនច្បារច្រាំងទន្លេវ៉ៃគោ ប៉ែកខាងជើងផ្លូវជាតិលេខ១ ពិនិត្យទីតាំងគម្រោងស្តារព្រែកនៀល ពិនិត្យទីតាំងកំពង់ផែអូស្មាច់ និងពិនិត្យទីតាំងស្នេីសុំប័ណ្ណកម្មសិទ្ធិរបស់ប្រជាពលរដ្ឋក្នុងក្រុងស្វាយរៀង ។ អញ្ជើញចូលរួមអមដំណើរឯកឧត្ដមអភិបាលខេត្តក្នុងឱកាសនោះមាន ឯកឧត្ដមអភិបាលរងខេត្ត លោកនាយករដ្ឋបាលសាលាខេត្ត លោកប្រធានមន្ទីរ-អង្គភាព ពាក់ព័ន្ធ លោកនាយកទីចាត់ការហិរញ្ញវត្ថុសាលាខេត្ត លោក នាយកទីចាត់ការអន្តរវិស័យសាលាខេត្ត លោកស្រីនាយិកាទីចាត់ការផែនការ និងវិនិយោគសាលាខេត្ត លោកអភិបាល អភិបាលរងក្រុងស្វាយរៀង និងមន្ត្រីពាក់ព័ន្ធមួយចំនួន ៕ ប្រភព៖ រដ្ឋបាលខេត្តស្វាយរៀង