នាព្រឹកថ្ងៃអង្គារ ២រោច ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២២ ខែមករា ឆ្នាំ២០១៩ ឯកឧត្តម ម៉ុម សារឿន អភិបាលខេត្តស្ទឹងត្រែង បានអញ្ជើញដឹកនាំកិច្ចប្រជុំស្តីពីការពង្រឹងប្រសិទ្ធភាពការងារ រដ្ឋបាលក្រុង ស្រុក ឃុំ សង្កាត់ និងការអនុវត្តគម្រោងមូលនិធិក្រុង ស្រុក ឃុំ សង្កាត់។ កិច្ចប្រជុំនេះមានការ ចូលរួមពីថ្នាក់ដឹកនាំខេត្ត ក្រុង ស្រុក ឃុំ សង្កាត់សរុបប្រមាណចំនួន ៩៦នាក់ ស្រី ១២នាក់។
ក្នុងឱកាសនោះឯកឧត្តម អភិបាលខេត្ត បានគូសបញ្ជាក់អំពីការពង្រឹងប្រសិទ្ធភាព នៃការផ្តល់សេវាសាធារណៈជូនប្រជាពលរដ្ឋក្នុងមូលដ្ឋាន ការពង្រឹងប្រសិទ្ធភាពនៃការអនុវត្តគម្រោងមូលនិធិក្រុង ស្រុក ឃុំ សង្កាត់ ព្រមទាំងការទប់ស្កាត់បទល្មើសធនធានធម្មជាតិ និងការកាប់រានដីព្រៃរបស់រដ្ឋដោយខុសច្បាប់ធ្វើជាកម្មសិទ្ធ និងហាមដាច់ខាចការចុះហត្ថលេខាបញ្ជាក់លើលិខិតផ្ទេរសិទ្ធ និងកាន់កាប់ដីព្រៃរបស់រដ្ឋធ្វើជាកម្មសិទ្ធបុគ្គលដោយខុសច្បាប់៕អែមមី
ប្រភពៈរដ្ឋបាលខេត្តស្ទឹងត្រែង
