អភិបាលខេត្តស្ទឹងត្រែងអញ្ជើញបិទសន្និបាតបូកសរុបការងាររបស់មន្ទីរអប់រំ យុវជន និងកីឡាខេត្ត
រសៀលថ្ងៃអង្គារ ២រោច ខែបុស្ស ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២២ ខែមករា ឆ្នាំ២០១៩ ឯកឧត្តម ម៉ុម សារឿន អភិបាលខេត្តស្ទឹងត្រែង បានអញ្ជើញជាអធិបតីក្នុងពិធីបិទសន្និបាតបូកសរុបលទ្ធផលការងារឆ្នាំសិក្សា ២០១៧ -២០១៨ និងលើកទិសដៅការងារឆ្នាំសិក្សា២០១៨-២០១៩ របស់មន្ទីរអប់រំ យុវជន និងកីឡាខេត្តស្ទឹងត្រែង និងមានការចូលរួមពី ថ្នាក់ដឹកនាំខេត្ត ក្រុង ស្រុក មន្ទីរ-អង្គភាពជុំវិញខេត្ត និងលោកគ្រូ អ្នកគ្រូ សរុបចំនួន ២១០នាក់ ស្រី៨១នាក់។
ក្នុងឱកាសនោះដែរ ឯកឧត្តមអភិបាលខេត្ត ក៏បាននាំយកអំណោយដ៏ថ្លៃថ្លារបស់សម្តេចតេជោ នាយករដ្ឋមន្រ្តីនៃព្រះរាជាណាចក្រកម្ពូជា និងសម្តេចកិត្តិព្រឹទ្ធបណ្ឌិត ជូនលោកគ្រូ អ្នកគ្រូ ចំនួន ២១០នាក់ នៅថវិកាមួយចំនួនផងដែរ៕ រតនា
ប្រភព៖ រដ្ឋបាលខេត្តស្ទឹងត្រែង
