នៅសាលប្រជុំព្រៃបាសាក់ អគារ ខ សាលាខេត្ត លោក ហែម ពិសិដ្ឋ អភិបាលរង នៃគណៈអភិបាលខេត្តស្វាយរៀង តំណាងឯកឧត្តម ម៉ែន វិបុល អភិបាលខេត្ត បានអញ្ជើញជាអធិបតីក្នុងកិច្ចប្រជុំពិភាក្សាលើការងារអគ្គិសនី និងទឹកនៅខេត្តស្វាយរៀង ដោយមានការអញ្ជើញចូលរួមពីលោកអភិបាលក្រុង-ស្រុក លោកប្រធានមន្ទីរ-អង្គភាពពាក់ព័ន្ធនានា ជាច្រើនរូបទៀត ។

      កិច្ចប្រជុំពិភាក្សានាព្រឹកថ្ងៃពុធ ១៥កើត ខែផល្គុន ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២០ ខែមីនា ឆ្នាំ២០១៩នេះ មានគោលបំណងជំរុញដល់លោកអភិបាលក្រុង-ស្រុក អាជ្ញាធរមូលដ្ឋាន មន្ទីរអង្គភាពពាក់ព័ន្ធនានា ត្រៀមលក្ខណៈដោះស្រាយនូវបញ្ហាប្រឈមនានាក្នុងរយៈពេលអាកាសធាតុឡើងកម្តៅខ្លាំង ដើម្បីជួយដល់ប្រជាពលរដ្ឋឲ្យបានទាន់ពេលវេលា ដូចជាបញ្ហាទឹកប្រើប្រាស់ បញ្ហាភ្លើងអគ្គីសនី បញ្ហាប្រព័ន្ធធារាសាស្ត្រ បញ្ហាកសិកម្ម និងបញ្ហាប្រព័ន្ធទឹកស្អាតជាដើម ៕ មុនីរម្យ

ប្រភព៖ រដ្ឋបាលខេត្តស្វាយរៀង