នៅព្រឹកថ្ងៃពុធ ១០កើត ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១២ ខែមិថុនា ឆ្នាំ២០១៩ លោក អម សុភា អភិបាលរងខេត្តកំពង់ឆ្នាំង អញ្ជើញចូលរួមវគ្គបណ្តុះបណ្តាលក្រុមប្រឹក្សាឃុំលើកទី៤ ស្តីពី ការអប់រំភាពជាអ្នកដឹកនាំ ចាប់ពីថ្ងៃទី១២ ដល់ថ្ងៃទី១៣ ខែមិថុនា ឆ្នាំ២០១៩ នៅខេត្តបាត់ដំបង។

      វគ្គបណ្ដុះបណ្ដាលនេះ ធ្វើឡើងក្នុងគោលបំណង៖
១.ដើម្បីពង្រឹងសមត្ថភាពបន្ថែមទាក់ទងនឹងភាពជាអ្នកដឹកនាំ ក្នុងការអភិវឌ្ឍសហគមន៍ឱ្យកាន់តែរីកចំរើន ជាពិសេសវិស័យអនាម័យ
២.ជម្រុញឱ្យក្រុមប្រឹក្សាឃុំនីមួយៗមានគោលដៅ និងផែនការច្បាស់លាស់ក្នុងការអភិវឌ្ឍសហគមន៍ និងទទួលបានបទពិសោធន៍ល្អពីក្រុមប្រឹក្សាឃុំផ្សេងៗគ្នា ថ្នាក់ដឹកនាំស្រុក ខេត្ត និងមន្ទីរពាក់ព័ន្ធ
៣.លើកទឹកចិត្តក្រុមប្រឹក្សាឃុំគំរូដែលសម្រេចបានតាមចំនួនគោលដៅដោយផ្ដល់ជាពានរង្វាន់មេដាយមាស ប្រាក់ សំរឹទ្ធិ
ក្នុងនោះដែរ នៅក្នុងកិច្ចប្រជុំ ក៏មានការចូលរួមពី ឯកឧត្តម លោកជំទាវ អស់លោក លោកស្រី តំណាងពី ខេត្ត ក្រុង ស្រុក និងក្រុមប្រឹក្សាឃុំផ្សេងៗចូលរួមផងដែរ៕ មុនីរម្យ

ប្រភព៖ រដ្ឋបាលខេត្តកំពង់ឆ្នាំង