https://www.interior.gov.kh/report/detail/3009
លោកជំទាវ មិថុនា ភូថង អភិបាលខេត្តកោះកុង បានលើកឡើងថា នេះពិតជាមោទកភាពសម្រាប់ខេត្តកោះកុងរបស់យើង ដែលមន្ទីរពេទ្យខេត្ត មន្ទីរពេទ្យបង្អែកស្រុកស្រែអំបិល និងវិទ្យាល័យកោះស្តេច នៅស្រុកគិរីសាគរ បានទទួលជ័យលាភីគួរជាទីមោទកៈ ហើយជ័យលាភីនេះពិតជាមិនអាចខ្វះបានពីការខិតខំរបស់ថ្នាក់ដឹកនាំគ្រប់លំដាប់ថ្នាក់ ជាមួយនឹងការចូលរួមពីបុគ្គលិកទាំងអស់ ព្រមទាំងការគាំទ្រពីគ្រប់មជ្ឈដ្ឋាន ក្នុងការចូលរួមសហការ ទាំងកម្លាំងកាយ កម្លាំងចិត្ត និងថវិកាផងដែរ។
លោកជំទាវក៏បានសំណូមពរឲ្យអង្គភាពទាំងអស់ក្នុងខេត្ត បន្តខិតខំប្រឹងប្រែងអនុវត្តតួនាទី និងភារកិច្ច ចូលរួមប្រកួតប្រជែង ដើម្បីទទួលបានចំណាត់ថ្នាក់ល្អបន្ថែមទៀត។ លោកជំទាវ អភិបាលខេត្ត បានលើកឡើងបែបនេះក្នុងពិធីដង្ហែរ និងប្រគល់ពានរង្វាន់វិញ្ញាបនបត្រជូនមន្ទីរពេទ្យខេត្តកោះកុង មន្ទីរពេទ្យបង្អែកស្រុកស្រែអំបិល និងវិទ្យាល័យកោះកុងនៅថ្ងៃពុធទី១៤ ខែសីហា ឆ្នាំ២០១៩នេះ៕ រតនា
ប្រភព៖ រដ្ឋបាលខេត្ត
ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។