នៅសាលមហោស្រពខេត្តកោះកុង នាព្រឹកថ្ងៃចន្ទ ទី០៩ ខែកញ្ញា ឆ្នាំ២០១៩នេះ ឯកឧត្តម កាយ សំរួម ប្រធានក្រុមប្រឹក្សាខេត្តកោះកុង និងលោកជំទាវ មិថុនា ភូថង អភិបាល នៃគណៈអភិបាលខេត្ដកោះកុង បានអញ្ជើញជាអធិបតី ក្នុងកិច្ចប្រជុំផ្សព្វផ្សាយស្តីពីការរៀបចំកសាងផែនការ អភិវឌ្ឍន៍ រយៈពេល៥ឆ្នាំ(២០២០-២០២៤) របស់រដ្ឋបាលខេត្តកោះកុង ដោយមានការចូលរូបពី សមាជិកក្រុមប្រឹក្សា អភិបាលរង និងបន្ទីរ អង្គភាពពាក់ព័ន្ធជុំវិញខេត្តផងដែរ។

      លោកជំទាវអភិបាលខេត្ត ស្នើឱ្យសមាជិកអង្គប្រជុំទាំងអស់ ចូលរួមអោយបានគ្រប់ៗគ្នា និងយកចិត្តទុកដាក់ខ្ពស់បន្ថែមទៀតអំពីគោលការណ៍ណែនាំផ្នែកនយោបាយ ប្រតិទិនការងារ និងដំណើរការ នៃការរៀបចំ និងការកសាងផែនការអភិវឌ្ឍន៍ខេត្ត និងរបៀបដែលអ្នកពាក់ព័ន្ធនីមួយៗអាចចូលរួមក្នុងកិច្ចដំណើរការនេះ និងអាចបំពេញធាតុចូលនានា ដើម្បីរៀបចំគម្រោងអាទិភាពរបស់ខ្លួន ក្នុងការរៀបចំផែនការអភិវឌ្ឍន៍រយៈពេលប្រាំឆ្នាំ អាណត្តិទី៣ របស់ក្រុមប្រឹក្សាខេត្ត សម្រាប់រៀបចំផែនការយុទ្ធសាស្ត្រថវិកាខេត្ត និងកម្មវិធីវិនិយោគបីឆ្នាំរំកិលរបស់ខេត្ត៕ រតន

ប្រភព៖ រដ្ឋបាលខេត្តកោះកុង